Andvari - 01.08.1961, Page 73

GUÐMUNDUR BÖÐVARSSON:
VIÐ GRÖF HALLDÓRS
Hér býr hún um rúmið þitt, bróðir,
og býður kyrrð og sátt,
hin trygga og margreynda móðir,
sem mœlir hljótt og fátt.
Hún var orðin löng þín vaka,
þó varðstöðu Ijúki hér.
— Og hugur vor horfir til baka
og heyrir margt og sér.
Hér upphófst þú átthagans merki
ungur í þinni sveit:
— að afkasta afreksverki
þarf ekki stóran reit,
því oft var í einsetu spunnið
það ívaf, sem mest er vert,
og þúsundum þœgt og unnið
með því, sem var einum gert.
Hér ófst þú í œttlandsins klœði
þinn œviþátt höndum tveim,
hér bjóst þú, hér kvaðst þú þín kvœði
og kynntist vanda þeim
að mœta til stritsins að morgni,
sem metið skyldast var,
en eiga þann afguð í horni,
sem einum trúnaður bar.