Menntamál - 01.09.1964, Blaðsíða 129

MENNTAMÁL
123
með lögum að hverfa frá störfum og skyldi ríkislaunaneliid
(Rikslönnsnemnda) skera úr ágreiningnum. Kennarasam-
tökin buðust þá til að fresta aðgerðum til 1. nóv., ef teknir
yrðu upp samningar að nýju, og væru niðurstöður síðan
lagðar fyrir Stórþingið í haust. Samningar voru síðan upp
teknir og hefur orðið samkomulag urn bráðabirgðalaun, á
meðan safnað er gögnum og unnið að endanlegri lausn
málsins. í þessu máli virðast norsku kennararnir ætla að
vinna algeran sigur í kralti samstöðu stéttarinnar og ein-
beittni forystumannanna.
Kennaraskortur er ennþá tilfinnanlegur i Noregi. Skóla-
árið 1963—4 skipaði lólk án kennaramenntunar 15% af
kennarastöðunum I landinu. Norges Lærerlag kannaði
ástandið í 73 útkjálkahéruðum, þar sem kennaraskorturinn
liefur verið mestur. Niðurstaðan var sú, að hlutfallstala
kennara með tilskilda menntun hefur laakkað úr 74% skóla-
árið 1954-5 niður í 60% skólaárið 1962-3. Fulltrúar ríkis-
valdsins og kennarasamtakanna hafa rætt um hugsanlegar
aðgerðir af hálfu ríkisins til úrbóta á þessu sviði. Mikil
áherzla hefur verið lögð á að mennta fleiri kennara. Rými
kennaraskólanna hefur hvarvetna verið fullnýtt og tveir
nýir kennaraskólar voru stofnsettir 1963, annar í Halden
og hinn í Notodden.
Nýskipan kennaramenntunarinnar er í undirbúningi.
Kennaramenntunarnefndin hefur skilað áliti sínu til
kennslumálaráðuneytisins, og kemur þá næst til kasta Stór-
þingsins.
Yfirstjórn skólanna hefur verið styrkt. Árið 1963 fékk
hvert fylki (að undanskildum borgarfylkjunum Oslo og
Bergen) sinn fræðslustjóra (skoledirektör). Jafnframt eiga
lylkin að taka stjórn skólamálanna meira í sínar hendur.
Fræðslustjórarnir verða tvöfaldir í roðinu, þar sem þeir
eiga annars vegar að sjá til þess af liálfu ríkisvaklsins, að
skólalöggjöfinni sé hlýtt, og hins vegar að veita fræðsluskrif-
stofu fylkisins forstöðu.