Kirkjuritið - 01.12.1947, Side 88

356
Guðmundur Einarsson:
Nóv. - Des.
bæði sem ræðumaður og söngmaður, enda unni hann söng-
list og efldi hana á allan hátt, svo að ekki er ofsagt, að hann
hafi áratugum saman hvorki talið eftir fé né fyrirhöfn
til þess að efla gengi þessarar göfugu listar og kenna öðrum
að njóta hennar.
öll embættisár sín var séra Ölafur jafnframt bóndi, og
fcjó góðu búi, eins og flestir prestar landsins hafa gjört
fram til síðustu ára, og hann vann sjálfur að búi sínu með
fólki sínu, því gengu störfin svo vel og unnið var með áhuga.
Fram yfir áttrætt gekk hann að heyskap á sumrum, sló og
batt; gerði sjálfur erfiðustu verkin, ef með þurfti, svo að
hann var til fyrirmyndar söfnuðum sínum í verklegum
efnum eins og hann var leiðtogi þeirra í andlegum efnum.
Auk embættisstarfanna og búskaparins hafði séra Ólaf-
ur mörgum trúnaðarstörfum að sinna, fyrir sveit sína og
sýslu, því að sýslunefndarmaður var hann í mörg ár, og öll
þessi störf rækti hann svo vel, að allir dáðust að, enda
kveður sonur hans það mest áberandi eiginleika í fari föð-
ur síns, hve skyldurækinn hann var. Hann segir: „Það
skiptir ekki máli, hvort það var embætti hans eða önnur
trúnaðarstörf, sem honum væri falin, skyldurækni hans
var sú sama og svo takmarkalaus, að stundum stappaði
nærri ofurkappi." Og þetta vitum við allir, sem þekktum
Ólaf sál., að er sannleikur; skylduræknin var honum í blóð
borin, og því rækti hann öll sín störf svo afburða vel. Þess-
vegna var líka svo oft leitað til þessa ágæta manns og
prests með hin margvíslegu trúnaðarstörf, á heimili, sveit
og byggð, og hann brást aldrei, honum mátti treysta.
Séra Ólafur var mjög vel gefinn maður til sálar og líkama,
fjölhæfur, fróður og drengur góður, glaður og reifur; hann
flutti gleðina með sér, þar sem hann kom, þar létti yfir.
„Gleðjið yður ávallt í Drottni“, sagði Páll postuli, og mér
fannst alltaf séra Ólafur hafa þessi orð í huga og lifa eftir
þeim. Það væri víst líka gott fyrir mennina yfirleitt að
hafa þessi orð í huga og hjarta og breyta eftir þeim, þá yrðu
gleði og gæfudagarnir fleiri.