Kirkjuritið - 01.04.1949, Qupperneq 78

Fréttir,
KirkjuráSiO
samþykkti á fundi sínum 21. marz að senda 4 menn til
þess að flytja prédikanir og fyrirlestra um kristindómsmál
á Austurlandi næsta sumar. Þessir menn munu ferðast um
Norður-Múlaprófastsdæmi: Dr. Ámi Áraason og séra Magnús
Guðmundsson. Og um Suður-Múlaprófastsdæmi: Jón Þorsteins-
son kennari og séra Pétur Sigurgeirsson.
Frumvarp til laga um kirkjuþing
fyrir þjóðkirkju íslands hefir verið afgreitt með samhljóða
atkvæðum kirkjuráðs og lagt fyrir kirkjumálaráðherra.
Söngur Passíusálma.
í Hallgrímskirkju hafa Passíusálmar nú verið sungnir um
7 vikna föstuna á kvöldin hvern virkan dag. Er það ágæt
nýbreytni. En næsta vetur ætti að byrja nokkru fyrr, eða á
1. miðvikudag í 9 vikna föstu. Munu þá sálmarnir endast hvern
virkan dag til páska. Svo voru þeir sungnir á heimilunum áð-
ur fyrr.
Heimsóknir til skóla.
Dagana 12. og 13. marz heimsótti biskup skólana að Hvann-
eyri, Varmalandi og Reykholti, og voru með honum 3 stúdent-
ar úr Bræðralagi. Þeir fluttu erindi og sýndu fagrar kvik-
myndir. Var þeim forkunnar vel tekið.
Kvöldvaka Hins íslenzka Biblíufélags.
Laugardagskvöldið 19. febrúar var kvöldvaka í ríkisútvarp-
inu á vegum Biblíufélagsins. Töluðu þar biskup, séra Magnús
Már Lárusson, dr. Steingrímur Þorsteinsson og séra Sigurbjöm
Einarsson. Daginn eftir var Biblíufélagsins minnzt í kirkjum
landsins og menn hvattir til að gerast styrktarfélagar þess.
Tefir það mál þegar fengið góðar undirtektir. í næsta hefti
Kirkjuritsins mun birtast ritgerð eftir séra Magnús Má Lár-
usson um íslenzkar Biblíuþýðingar.