Eimreiðin - 01.04.1931, Blaðsíða 44

148
DR. JEAN CHARCOT
eimreiðiN
Það var enskur hvalveiðamaður, William Scoresby yngri,
sem árið 1817 gaf fyrstur manna út vísindalega lýsingu á
]an Mayen. Hefur þessi bók enn í dag fult gildi, enda var
Scoresby vel lærður maður. En síðan hafa margar bækur
verið ritaðar um eyjuna, og
vísindalega rannsókn gerðu
Austurríkismenn þar 1882—
1883, og voru þeir þar
vetrarlangt. Bygðu þeir þar
vönduð skýli og höfðu svo
mikinn forða af kolum og
vistum, að mörgum skip-
brotsmönnum varð það síðar
til lífs. Dr. Charcot hefur
ritað skemtilega lýsingu á
því, hvernig þar var um-
horfs, þegar hann kom þar,
20 árum síðar.
»Skýlin voru í bezta standi,
alt var reiðubúið til að taka
á móti nýjum gestum. Það leit svo út sem Austurríkismenn-
irnir hefðu orðið svo fegnir, þegar þeim gafst kostur á að
komast úr vetrarvistinni, að þeir einungis hafi í snatri búið út
vistir og annað, er mætti verða skipbrotsmönnum að liði, en
skilið alt annað eftir í reiðuleysi . . . í smíðahúsinu lá stól-
fótur á hefilbekknum, sem auðsjáanlega átti að gera við, og
við hliðina á honum hálfreyktur vindlingur. Sápuögn lá a
baðkersbarminum, og alt eftir þessu . . . Við opnuðum eina
dós með niðursoðnu ketmeti og höfðum fyrir morgunverð,
og var það sæmilega gott, þó að dósin væri 20 ára gömul4-
Þegar dr. Charcot kom þangað árið 1922, var alt horfið
úr húsinu, sem skipbrotsmenn og refaskyttur gátu notað. En
tófurnar höfðu tekið sór bólfestu þar, og segir dr. Charcot,
að þær hafi verið nærri eins gæfar og hundar. Hann bann-
aði mönnum sínum að skjóta þær, því að hann er mikill
dýravinur, og á heimsskautsferðum sínum hefur hann ávalt
haldið hlífiskyldi sínum yfir dýrunum, þó að skipsmenn og
félaga hans hafi oft langað til að hafa heim með sér tófU'