Eimreiðin - 01.01.1932, Blaðsíða 132

120
RADDIR
ElMKEIÐIft
Atkvæðagreiðsla um bannlögin. Vikublaðið „Literary Digest“ í
Bandaríkjunum er um þessar mundir að láta fram fara atkvæðagreiðslu
um bannlögin þar í Iandi, hvort eigi að afnema þau eða ekki. Hefur
það oft áður látið greiða atkvæði um lík stórmál áður en til hinnar al-
mennu þjóðaratkvæðagreiðslu hefur komið, og niðurstaðan oftast orðið
mjög svipuð við atkvæðagreiðslu blaðsins og við sjálfa þjóðaratkvæða-
greiðsluna.
Sem stendur eru bannlögin einnig mjög á dagskrá hér á landi.
Er jafnvel búist við að fram komi í þinginu tillaga um afnám
þeirra eða tillaga um að leita þjóðaratkvæðis um það, hvort eigi að af-
nema þau. Engin slík tillaga er þó komin fram, þegar þetta er ritaö.
Vill þá íslenzka þjóðin afnema bannlögin? Eimreiðin tekur enga af-
stöðu til þess máls, en hún vill beina þeirri áskorun til lesenda sinna,
að þeir sendi henni sem flestir stutt og gagnorð svör við spurningunni:
Á íslenzka þjóðin að afnema bannlögin? Að vísu hefur Eimreiðin ekki
tök á að láta fram fara almenna atkvæðagreiðslu um málið, en hún
væntir sem flestra svara og mun að forfallalausu birta eitthvað af þe>m
síðar á þessu ári. Svörin þurfa að vera fáorð, því ekki verður hæg'
að birta önnur en þau, sem verða stutt og laggóð. Engin svör verða
birt lengri en sem nemur hálfri Eimreiðarsíðu með meginmálsletri, °S
oft er hægt að segja það í einni til tveim línum, sem teygja má úr efm
í heila ritgerð. En Iangar ritgerðir um bannlögin hefur Eimreiðin ekki
rúm fyrir, enda er nóg af þeim í blöðum landsins. Tilgangurinn með
fyrirspurninni hér að ofan er aðeins sá að fá að heyra hljóðið í sem
flestum og sem víðast að af landinu, ef þar af mætti síöar draga ein-
hverjar ályktanir um fylgi þjóðarinnar við bannlögin. Þar sem gera ma
ráð fyrir, að ókleift verði að birta öll svörin, verður þess gætt vand-
Iega að birta jafnt neitandi og játandi svör í réttu hlutfalli við þá heildar-
tölu hvorra um sig, sem Eimreiðinni berst alls. Hverju svari fylgi nafn
og heimili svaranda, en senda mega þeir dulefni jafnframt, til birtingar>
sem það kjósa heldur. íslendingar! Konur sem karlar! Eldri sem yngn-
Sendið því svör yðar, sluttlega rökstudd, sem fyrst og með árituninru -
Eimreiðin, Pósthólf 322, Reykjavík.