Búnaðarrit - 01.06.1927, Blaðsíða 108

322
BÚNAÐARRIT
komast upp, hækkar nythæðin hjá heildinni úr 3216 kg.
með 3,36 °/o, feiti og 120 kg. smjör aldamótaárið, upp
í 4157 kg. með 3,93 °/o, feiti og 180 kg. smjör árið
1924—25.
Áhrif nautanna eru tví afar greinileg, og verða enn
ijósari í samanburði við árangurinn, sem náðst hefir í
þeim fjelögum, sem ekki hafa notað fjelagsnaut. Til
útskýringar á þeim árangri, verður það þó að segjast,
að auðvitað eru innan þess fjelagsskapar margir menn,
sem hafa góð naut, og vanda val þeirra, en það er
ekki heildin. Hækkunin þar kemur meira af einstakling-
um en heildinni.
í þessu sambandi er vert að geta þess, að nú 1925
og ’26 eru öll naut, sem notuð eru í Fjónsku kynbóta-
fjelögunum, af sama ættstofni, Kristofferættinni.
Nautgripakynbótafjelög fá 80 tii 125 kr. styrk á hvert
naut, sem fjelagið hefir (80 kr. sje minna en helmingur
kúnna i eftirlitsfjelagi, 100 kr. sje helmingur í eftirlits-
fjelagi, en 125 kr. sjeu !/s þeirra í eftirlitsfjelagi). Styrkur
þessi var þó í vetur lækkaður um 100/o-
Sýningar eru árlega haldnar víða. Ríkið heldur þær
og veitir 40,000 kr. í verðlaun á nautgripasýningum.
Þangað er skylt að koma með öll naut, sem styrkur er
veittur til að halda, og það er orsök þess, að nærri
helmingur af nautgripa-kynbótafjelögunum sækja ekki
um styrk. Þau vilja ekki vinna það til, fyrir 80 kr., að
vera skyld til að ferðast með tudda á sýningarstaðinn,
og kosta hann þar, því það kostar oft tvennar áttatíu
krónur, og verðlaunin eru óviss. Búnaðaríjelög, sem sýn-
ingar halda, fá alt að Vs kostnaði, en sjeu mörg fjelög
saman um sýningu, er ríkisstyrkurinn */* af kostnaðin-
um. — Á sýningunum eru veitt verðlaun og grundvall-
ast dómurinn á mörgu. Annars er ekki dæmt eins í
hinum einstöku landshlutum, og hinum einstöku sam-
böndum, heldur lögð meiri áhersla á þetta á þessum
stað, hitt í hinum.