Hlín - 01.01.1959, Page 33
Hlín
31
Frú Oddný gaf sig nokkuð að fjelagsmálum kvenna,
meðan hún átti heima á Stórólfshvoli. — Var hún ein af
stofnendum Kvenfjelagsins „Eining“ í Hvolhreppi og
lengi í stjórn fjelagsins, en að síðustu heiðursfjelagi þess.
— Var oft fulltrúi á, fundum Sambands sunnlenskra
kvenna, og af Sambandinu nokkrum sinnum kosin á
Landsþing og Landsfundi kvenna.
Þegar undirritaður greinarhöfundur tjáði frú Odd-
nýju, að til stæði að minnast hennar lítilsháttar í „Hlín“,
og bað hana að svara fyrirspurnum viðvíkjandi æfiatrið-
um sínum, varð hún góðfúslega við tilmælum höfundar,
en segir í svarbrejfinu:
„Jeg hef nú útfylt það, sem þú sendir mjer, en mig
langar að fara ekki svona hratt yfir hjúkrunarnám mitt,
vegna þess hvað mjer hefur oft fundist það bjarga mjer
úr mörgum vanda á Stórólfshvoli. — Oft hugsaði jeg um
það, hvað jeg ætti nú að gera í þessu eða hinu tiífellinu,
þegar Helgi var ekki heima og ekki væntanlegur í bráð,
eða þegar sjúkrahúsið var rekið hjer. (Rekið í tíð þeirra
hjóna frá 1923-1942.)*)
*) Sjúkrahúsið á Stórólfhvoli var bygt 1917. Þá var Guð-
mundur Guðfinnsson læknir þar. — Það var starfrækt til árs-
ins 1942, en var þá rifið, var orðið ljelegt, þrátt fyrir miklar
viðgerðir. Það var því horfið að því að byggja nýjan læknisbú-
stað, og ætlast til að í honum væri hægt að hafa biðsjúklinga,
nefnilega sem biðu eftir spítalavist í Reykjavík. Það varð þó
aldrei af því, að sjúklingar væru í nýja húsinu, ekki hægt að
bæta því á heimilið, en dýrt að halda stúlku yfir t. d. einum
sjúkling. — Þá voru líka orðnar svo góðar samgöngur við
Reykjavík.
Síðan 1942 hefur því 'ekki verið starfrækt sjúkrahús á Stór-
ólfshvoli.
Það var náttúrlega stundum erfitt meðan sjúkrahúsið var
rekið, en líka oft ánægjulegt. — Við höfðum yfirleitt góðar
stúlkur þar við hjúkrun, en fæði fengu sjúklingarnir hjá okk-
ur. — Marga ánægjustund átti jeg á sjúkrahúsinu og líka
marga áhyggjustund, þar sem maðurinn minn var oft að heim-