Hlín - 01.01.1959, Page 50

48
Hlin
fráfall eiginmannsins. — Hún brá því búi vorið 1908. —
Elstu dæturnar, Guðríði og Sigurlaugu, ljet hún í fóstur
til afa þeirra og ömmu að Skarði. — Svava var farin þang-
að áður í fóstur til Svövu föðursystur sinnar. — Þórey fór
í fóstur að Grýtubakka til Bjarna Arasonar og Snjólaugar
Sigfúsdóttur. — Sjálf fluttist Bergljót með þrjú börnin,
Arnheiði, Jóhann og Sigríði, austur að Geitagerði í
Fljótsdal til fósturforeldra sinna. — Dvaldi hún þar sum-
arið 1908, en um haustið fluttist hún með Arnheiði og
Jóhann að Skeggjastöðum í Fellum. Sigríður varð eftir í
Geitagerði hjá fósturforeldrum Bergljótar og ólst þar
upp.
Að Skeggjastöðunr átti Bergljót lieima hjá Guðlaugu
systur sinni og Ólafi Jónssyni, manni hennar.
Vorið 1909 fór Bergljót til Norðurlands og var þar með
dætrum sínum um hríð. — Var henni að því mikill rauna-
ljettir, eftir að hafa orðið að yfirgefa þær árið áður. —
Minntist luin þess oft síðar í lífinu, hve innilega glöð hún
hefði orðið, er dætur hennar fögnuðu henni ]>etta vor,
við komuna að austan.
Bergljót átti síðan heima að Skeggjastöðum í Fellum
til haustsins 1912. Vann hún þar sem vinnukona fyrir
þeim tveim börnum, sem fylgdu henni, að sjálfsögðu við
fremur þröngan kost, svo sem þá tíðkaðist um fólk, sem
ómegð hvíldi á.
Hún undi ekki vel þessum kjörum og þráði að geta
haft samneyti við dæturnar, sem voru fyrir norðan. Flún
fluttist J>ví til Akureyrar haustið 1912 og hugðist að
vinna þar fyrir sjer og börnum sínum með saumaskap og
annari vinnu, sem kynni til að falla. Var hún þá algerlega
eignalans. Átti aðeins íverufatnað sæmilegan fyrir sig og
börnin, saumavjel og nokkra innanstokksmuni frá bú-
skapnum í Litlagerði.
Á Aknreyri var lítið um að vera haustið 1912. — Var
talað um dýrtíð, eins og æfinlega. — Þá tóku saumakonur