Hlín - 01.01.1959, Qupperneq 78

7G
Hlin
Og hafi maður dug og þrek til starfa, er enginn vandi
að lifa góðu lífi í sveit.
Ekki munu allir, sem heiman fara úr sveitum þessa
lands í atvinnuleit um langa vegi, koma aftur með þunga
pyngju. — Sumir koma heldur aldrei heim aftur til veru.
í okkar búskap hjer á Þórustöðum í Ölfusi stundum
við garðrækt, auk kúa-, kálfa- og svínaeldis. — Við rækt-
um trjáplöntur, matjurtir og skrúðblóm.
Trjáplöntur erum við nú búin að planta í 1000 hekt-
ara skjólbelti. — I skjólbeltunum er birki, víðir, viðja,
greni, sólber og ribs (raðirnar eru 2—5 faldar).
Skjólbeltin eru lífsnauðsyn fyrir alt sem á að rækta. T.
d. eru kartöflur, sent njóta skjóls af beltum, komnar mán-
uði fyr til matar en þær sem settar eru á bersvæði. Eins
er með allar þær jurtir, sem settar eru milli beltanna.
Við byrjuðum fyrir 4 árum að rækta kálplöntur, feng-
um okkur norskan garðyrkjumann og komum okkur upp
15 fermetra glerhúsi, sem einungis nýtur sólarhitans. En
l'yrir tveim árurn bygðum við 100 fermetra gróðurhús úr
aluminíum, og það hitum við upp með olíuofni, því hjer
finst ekki hiti í jörðu. — Svo fengum við okkur pottavjel,
og búum til potta úr jarðblöndu, því við hugðumst selja
kálplöntur í nokkuð stórum stíl. (Ein planta í hverjum
potti.) — Við sendum allar okkar plöntur í trjekössum,
annað dugar ekki í bílunum. — Við seljum plöntur, bæði
kál og aðrar matjurtaplöntur og blómaplöntur, í þessum
pottum víðsvegar um Árnes- og Rangárvallasýslur. — Á
næsta ári gerum við ráð fyrir að geta farið að selja trjá-
plöntur, þá förum við að hafa heldur meira en það sem
við þurfum í skjólbeltin. — í tveim hekturum ræktum
við kál, rófur, kartöflur o. fl.
Við garðyrkjustöðina vinna að vorinu og sumrinu 4
manneskjur, en 1 á vetrum. Það er nóg að gera haust- og
vetrarmánuðina: Færa þau trje til, sem ekki var búið að
vorinu, hlúa að smáplöntum. — Hafa tilbúna mörg