Hlín - 01.01.1959, Page 137
Hlin
135
baukum í verslunum. — Hlutföllin eru skráð á baukana, bæði
um vatn og fitu. (Talið er að 2>k kg. af fitu sje hæfilegt í
hvern bauk.)
Þessa sápu má nota til heimilisþarfa: Til þvotta, hreingern-
inga og handþvotta. Leysir upp alla bílabrækju. — Ágæt til að
skúra hvítt trje.
Fyrst er að hreinsa fituna strax, sem á að fara í sápuna,
bræða hana og geyma í skildi, þar til sápugerðin fer fram.
(Botnfall má að sjálfsögðu ekki fara með.) Ef feitin er geymd
óbrædd, vill hún mygla, og kemur þá af henni ólykt. — Mæla
svo vatnið og leysa sódann og fara varlega, því þetta er sjóð-
heitt og brennir mann, ef við er komið. — Köldu vatni blandað
í, sem er í hlutfalli við fitumagnið.
Þetta er svo látið standa þar til það er nýmjólkurvolgt (20—
30°). — Svo er fitan brædd og helt saman við sódaupplausnina
(sama hitastig). — Umfram alt hæra vel í, meðan þetta er að
kólna (samlaga sig). — Jeg læt altaf dálítið lýsól saman við,
meðan jeg er að hræra, það er bæði sótthreinsandi og græðandi
og ver slæmri lykt af sápunni. — Sömuleiðis leysi jeg upp dá-
lítið af bláma og bæti í áður en þetta er orðið alveg þykt. —
Þegar búið er að hræra eins og manni finst þurfa, þá er þessu
helt upp í ílátið (ekki aluminíum, en emalierað eða trjeílát.
Jeg hef notað sama trjekassann til að renna sápunni upp í í 10
ár. Passar í kassann). — Þá er breitt yfir ílátið og látið standa
2—3 daga, ekki í kulda, má ekki kólna fljótt. — Þá sker maður
sápuna upp í lengjur og skiftir henni í handsápu og þvottasápu.
— Því nýrri sem sápan er, því hættara er á að hún brenni
hendurnar. — Verður því að standa dálítið. — Því eldri sem
hún er, því betri.
Umfram alt, konur, hirðið alla úrgangsfitu vel. Hrossafeiti er
góð, bráðfeit, má nota í sápu, þó hún þráni dálítið, og eins af
söltu hrossaketi. — Bræðið hrossafeiti strax, helst volga, ef þið
notið hana í mat.
Mjer finst matur og matarleifar ekki nógu vel hix-t hjá ungu
konunum, eins og maturinn er nú dýr.
Athugið, góðu konur, að hver smáhlutur þarf að vera smekk-
legur og hagkvæmui-, því alt skapar þetta heildax-útlit heimilis-
ins. — Heiðbjört Björnsdóttir, Sjávarborg.
Frjettir frá kvenfjelaginu „Eining“ í Höfðarkaupstað, Au.-
Hún.: — Mig langar til að senda þjer nokkrar frjettir fx-á kven-
fjelaginu okkar hjer á „Ströndinni þinni“, sem þú kallai’. —
Fjelagið er 33 ára gamalt, telur 40 meðlimi og tvo heiðurs-