Hlín - 01.01.1959, Qupperneq 143

Hlín
141
Mamma var sem á nálum, leið yfir gagnrýninni á konurnar,
en þó leiðari yfir því að geta ekki sint ýmsum þeim málum, sem
hún vildi, og Halldóra ræddi og vann að, og svo var um margar
konurnar. — En Halldóra gekk um gólf og sá helst áðeins eitt
áhugamál, sína beinu braut, hvað sennilega var nauðsynlegt, ef
ekki átti að missa kjarkinn og gefast upp, sjáandi kannske erf-
iðleika margra stórra og fátækra heimila til að sinna slíkum
málum og þar af leiðandi tregðu margra til að vinna að þeim
og þannig minni árangur af starfinu en vera skyldi.
Alt í einu var Halldóra farin. — Bylurinn fallinn af húsinu.
— Hættan liðin hjá í bili. — Hún hafði stansað í 2—3 daga. Nú
var hún á vesturleið, og nú stormaði bráðum á Blönduósi og
Skagaströnd, og sama sagan endurtók sig sennilega þar.
Samt var hressing að þessari „Yfirreið“, og eitthvað sat eftir.
— Konurnar töluðu saman á eftir, sumar gramar, aðrar glugg-
uðu í „Hlín“. Enn aðrar sóttu rokkinn. — Það var þó viss til-
breyting í þessari heimsókn í fátækum, dauflegum smábæ, þar
sem afkomumöguleikar og puðið fyrir daglegu brauði yfirgáfu
varla hug nokkurs manns.
Jeg gæti sagt meira, en þetta eru aðeins smápunktar frá
æskudögunum, smáminningar frá heimili okkar. — Við krakk-
arnir skildum þó, að þetta var öðruvísi og meira en sá daglegi
og venjulegi seinagangur í litlu þorpi.
Frjettabrjef úr Eyrarsveit á Snæfellsnesi vorið 1959: — Mig
langar til að senda „Hlín“ svolítinn frjettapistil hjeðan úr Eyr-
arsveit. — Fyrst er nú að geta fjelagsins okkar. Meðlimir þess
eru um 50. Það starfar á svipuðum grundvelli og önnur kven-
fjelög. — Við reynum að halda fundi einu sinni í mánuði að
vetrinum. — Fundirnir eru yfirleitt vel sóttir. — Um jólaleytið
höldum við barnaskemtun og einnig um svipað leyti svokallað
hjónamót. -— Báðar þessar skemtanir eru mjög vinsælar. — Á
s.l. hausti hjeldum við hlutaveltu með ágætum árangri. —
Ágóðann leggur fjelagið í sjerstakan sjóð, sem síðar verði varið
til kaupa á kirkjumunum í væntanlega Grundarfjarðarkirkju í
Grafarnesi.
Fyrir tveim árum varð fjelagið 25 ára og í tilefni þess var
farin þriggja daga skemtiferð um Suðurland, og var sú ferð hin
ánægjulegasta í alla staði. — Á síðastliðnu sumri fóru svo
fjelagskonur tveggja daga skemtiferð um Dalasýslu og að
Reykhólum. — Slíkar ferðir, til fagurra staða, eru skemtilegur
og nauðsynlegur þáttur í starfi kvenfjelaganna. — Margar hús-
mæður eiga sjaldan kost á að komast að heiman, en fái þær