Uppeldi og menntun - 01.01.2010, Síða 192

Uppeldi og menntUn/icelandic JoUrnal of edUcation 19(1–2)/2010192
viðHorf
hverja námsbraut (www.lhi.is). Við skipulagningu og uppbyggingu námsins eru við-
mið skólans lögð til grundvallar ásamt viðmiðum ráðuneytisins.
Allir íslensku háskólarnir hafa nú sett fram hæfniviðmið fyrir sínar námsleiðir sem
telst góður árangur miðað við aðra háskóla á Norðurlöndum og annars staðar í Evrópu.
En þó svo að þeir hafi sett viðmið er því ósvarað hvort og hvernig hæfniviðmið eru
raunverulega uppfyllt. Eftirfylgnin felst annars vegar í því að skoða kennslu og nám-
skeið með því að tengja hæfniviðmið námsbrauta við einstök námskeið og ganga úr
skugga um hvort þeim eru gerð skil og hins vegar að meta árangur nemenda út frá
þeim viðmiðum sem sett eru á námsbrautinni. Á síðastliðnu skólaári (2009–2010) hófst
endurskoðun námskeiða við Listaháskólann þar sem sérhvert námskeið er skoðað
markvisst og farið yfir hvaða viðmið námsbrautar tengjast viðkomandi námskeiði.
Þannig er hægt að skoða hvort nám og kennsla á námsbrautinni í heild uppfylli þau
viðmið sem sett eru. Fyrirhugað er að setja hæfniviðmiðin í hverja námskeiðslýsingu í
vetur. Það er aftur á móti flóknara að meta hvort nemendur hafi tileinkað sér þá hæfni
sem hver námsbraut krefst. Á næstunni mun skólinn leita leiða við að meta árangur
nemenda með tilliti til viðmiðanna. Vegna sérstöðu listnáms á listsköpunin stóran sess
í náminu og námsmatið er oft byggt á verkum eða sýningum nemenda. Í mörgum
tilfellum fá nemendur umsagnir með einkunnum og eru þeir almennt mjög ánægðir
með að fá umsagnir og telja að með þeim fái þeir betri endurgjöf fyrir verkefni sín, það
er að segja í hvaða þáttum þeir standa sig vel og hvað mætti betur fara. Til að auka
gæði námsmats eru í mörgum tilfellum fengnir utanaðkomandi prófdómarar til að
meta viðfangsefni nemenda í lok námskeiðs. Með því er stuðlað að jafnræði, sanngirni
og heildrænu námsmati.
Eitt markmið Bolognaferlisins er að taka upp samevrópskt einingakerfi, svokallað
ECTS-kerfi, sem auðveldar nemendum að fá nám metið á milli skóla. ECTS-eininga-
kerfið á að endurspegla vinnuframlag nemenda. Námið í Listaháskólanum er marg-
breytilegt og oft er erfitt að meta vinnuframlag nemenda því sú vinna sem nemendur
leggja af mörkum í listnámi er ekki alltaf sýnileg. Reynt er eftir fremsta megni að hafa
vinnuframlagið samkvæmt einingafjölda og til að tryggja það hefur skólinn kannað
vinnuframlag nemenda í einstökum námskeiðum með því að fá nemendahópa til að
meta vinnuframlag sitt. Námskeið eru í stöðugri endurskoðun og er þá meðal annars
tekið tillit til mats nemenda. Fyrir tveimur árum tók Listaháskólinn alfarið upp ECTS-
einingakerfið og hætt var að nota gömlu íslensku einingarnar.
Annað markmið Bolognaferlisins er að taka í notkun viðauka með prófskírteinum.
Viðaukinn, sem er á ensku, útskýrir vel inntak viðkomandi prófgráðu innan mennta-
kerfisins. Skírteinisviðaukinn á að auðvelda nemendum að fá nám sitt metið erlendis.
Samstarfsnefnd háskólanna vann sameiginlega að gerð skírteinisviðaukans og þegar
nemendur útskrifast fá þeir skírteinisviðaukann afhentan. Listaháskólinn hefur gefið
út skírteinisviðauka um nokkurra ára skeið.
Samevrópska háskólasvæðið á að auðvelda hreyfanleika milli landa og háskóla
og hvatt er til nemenda- og kennaraskipta. Listaháskólinn er í samstarfi við háskóla
í Evrópu innan áætlana Evrópusambandsins þar sem lögð hefur verið áhersla á að
efla og þróa námsbrautir, taka þátt í rannsóknarverkefnum og bjóða nemenda- og