Uppeldi og menntun - 01.01.2010, Page 203

Uppeldi og menntUn/icelandic JoUrnal of edUcation 19(1–2)/2010 203
viðHorf
Til þess að bregðast við þessu höfum við fengið sérfræðinga reglulega til að halda fyrir-
lestra og námskeið fyrir kennara. Sérstaklega má þar nefna Guðrúnu Geirsdóttur frá
Háskóla Íslands sem hefur verið skólanum ómetanlegur ráðgjafi við þróun kennslu-
hátta. Fyrstu námskeiðin snerust um framsetningu námsmarkmiða og eðli þeirra.
Í framhaldi af því hafa námskeið tengst enn frekar námsmati og tengslum námsmark-
miða, námsmats og endurgjafar. Kennslusvið hefur nú það markmið að allir kennarar
setji fram ítarlegar kennslulýsingar þar sem greinilega eru sett fram tengsl námsmark-
miða og námsmats.
Þó að margt í innleiðingu Bolognaferlisins við Háskólann á Hólum sé jákvætt og
hafi gengið vel hafa vissulega komið fram hnökrar. Það er mjög mismunandi hversu
móttækilegir akademískir starfsmenn hafa verið fyrir þessari þróun. Helst það í hendur
við áhuga og þátttöku í endurmenntunarnámskeiðum sem í boði hafa verið. Einnig
er nokkur munur milli fagdeilda skólans á því hversu langt þróun kennslumála er
komin. Þannig er innleiðing gæðamenningar kennslu hvað lengst komin við ferða-
máladeild þar sem starfsmenn hafa verið sérstaklega duglegir að sækja námskeið og
áhugasamir um kennsluhætti.
Það er ljóst að aukin gæði í háskólakennslu kalla á aukna menntun háskólakennara.
Á síðustu misserum höfum við velt fyrir okkur hvaða leiðir séu bestar til að hvetja
kennara til að sækja sér endurmenntun. Er ráð að setja inn starfsdaga kennara, þar
sem allir eru skikkaðir í endurmenntun? Hvert er framboð á endurmenntun fyrir
háskólakennara? Við höfum notið góðrar þjónustu bæði frá sérfræðingum við Háskóla
Íslands og Háskólann á Akureyri en er kannski einnig þörf á skipulagðari menntun,
t.d. diplóma eða M.Sc.-gráðu í kennslufræði háskólakennslu? Skólarnir gætu þá liðkað
til fyrir þá sem vildu sækja slíkt nám og umbunað þeim sem ljúka því.
Það er sýn okkar að Háskólinn á Hólum verði í fararbroddi íslenskra háskóla hvað
varðar þróun gæðamenningar í háskólakennslu. Forskot skólans til að ná þessu mark-
miði felst m.a. í smæð hans, lítilli fjarlægð milli einstakra kennara og yfirstjórnar skólans
og einföldum samskiptaleiðum. Því er auðvelt að fylgjast með frammistöðu einstakra
kennara og stuðla að innleiðingu nýrra kennsluhátta. Þegar við hófum þessa vegferð
vorið 2007 héldum við að um stuttan sprett væri að ræða og við myndum á skömmum
tíma gjörbreyta hugarfari kennara og kennsluháttum við Háskólann á Hólum. Nú,
þremur árum síðar, höfum við lært að leiðin er löng en með skipulagðri vinnu og vel
skilgreindum markmiðum hafa gæði kennslu í skólanum aukist og munu halda því
áfram með hverju nýju skrefi.
um Höfunda
Bjarni K. Kristjánsson (bjakk@holar.is) er deildarstjóri fiskeldis- og fiskalíffræðideildar
og yfirmaður kennslusviðs Háskólans á Hólum. Bjarni er með Ph.D.-gráðu í dýrafræði
frá Háskólanum í Guelph í Kanada. Bjarni stundar rannsóknir á þróun ferskvatnsfiska
og vatnalíffræði.