Íslenzk tunga - 01.01.1965, Page 25

UM ALDUR OG UPPRUNA KV-FRAMBURÐAR
23
57. Að vísu hafði Eggert allmikil kynni af Vestfirðingum eftir það,
en það skiptir ekki miklu máli tímasetningar vegna, ritinu var að
fullu lokið 1766.
2.21. Margsinnis hefur verið bent á stuðlun hv-:k- í þessari vísu
Sigurðar Péturssonar:12
Eg vid brjóstin Abrahams
ei lítill skal þreýa:
en qvar þinn verdi qvala1 hams
kann eg ekki 'ad segja.
Neðanmáls í útgáfunni: „!) qvar og qvala, er nordlendska, fyrir hvar,
og hvala.“
í einu handriti, sem talið er eiginhandarrit Sigurðar, er vísan rit-
uð á sama hátt og í útgáfunni, með sömu athugasemd neðanmáls.13
í tveim handritum öðrum með hans hendi er ritað „Enn [eða ,,en“]
hvar þinn verdi qvala hams ...,“ og engin skýring gefin á orðmynd-
unum.14 í útgáfunni er kvæðið nafnlaust, en í öllum handritunum
heitir það Forsvar til G. V. Útgáfan er með fádæmum vond, og er
alls óvíst, að útgefandi hafi hirt um að birta fyrirsögn kvæðisins,
þótt hún væri í handriti því, er hann fór eftir.
Sigurður Pétursson var af Austurlandi og því næsta ólíklegt, að
hann hafi haft Æv-framburð, enda sýnir neðanmálsgreinin, að hann
telur kv- fyrir hv- norðlenzkt máleinkenni.
2.22. Annað dæmi í kveðskap Sigurðar sýnir ljósar, hvernig á
þessu stendur. í handriti með kvæðum hans er þetta:1B
12 Ljódmœli Sigurdar Péturssonar Sýslumanns í Kjósar sýslu og Héradsdóm-
ara í Gullbríngu sýslu jrá 1789 til 1803 (Reykjavík 1844), 224—225.
13 Lbs. 2033, 8vo, kvæði tölusett 56. Ritað er upphaflega hvar ... qvala, en
livar undirstrikað brotinni línu og qvar bælt við ofan línunnar.
14 Lbs. 1012, 8vo, 388. ÍB. 333, 8vo, bl. 62v.
lr> Lbs. 127, fol., 46. Ég treysti mér ekki til að fullyrða, hvort handritið er
eiginhandarrit, því að rithönd Sigurðar er nokkuð breytileg. Virðist mér það
þó líklegt. Ekki veit ég til, að vísur þessar hafi verið prentaðar.