Uppeldi og menntun - 01.07.2013, Page 37

Uppeldi og menntUn/icelandic JoUrnal of edUcation 22(2) 2013 37
HeLGA RUT GUðMUNDsDÓTTIR
MeNNTAvísINDAsvIðI HáskÓLA ísLANDs
Uppeldi og menntun
22. árgangur 2. hefti 2013
Tónmenntakennsla í íslenskum
grunnskólum
Í þessari rannsókn var hlutverk íslenskra tónmenntakennara kannað og fyrirkomulag
tónmenntakennslu . Greinin er byggð á viðtölum við tólf tónmenntakennara sem valdir
voru af handahófi á landsvísu . Tónmenntakennararnir gegndu lykilhlutverki í tónlistar-
lífi síns skóla og voru, meðfram kennslunni, beðnir að sinna ýmsu öðru sem tengdist tón-
list, svo sem undirleik á skemmtunum og umsjón með samsöng . Flestir virtust einangraðir
í kennslustörfum sínum og vildu eiga meira samstarf við aðra . Áherslur í kennslu voru
nokkuð misjafnar en þó voru tónmenntakennararnir frekar hefðbundnir í vali á aðferðum
og efni . Söngur var algengasti liðurinn í tónmenntakennslunni og þótti ómissandi . Sköpun
og hljóðfæranotkun þótti einna erfiðast að sinna . Rætt er um mikilvægi þess að þróa nýja
kennsluhætti í tónmennt með ákveðnari stefnumörkun í námsgreininni til þess að sporna
við stöðnun . Niðurstöður benda til þess að efla þurfi færni tónmenntakennara í fjölbreytt-
um kennsluaðferðum en þá skiptir þjálfun og símenntun tónmenntakennara höfuðmáli .
Efnisorð: Tónmennt, tónmenntakennsla, tónmenntakennarar, list- og verkgreinar, list-
greinar
inngangUr
Lagt var upp í þessa rannsókn með það markmið að draga upp mynd af dæmigerðum
tónmenntakennurum og tónmenntakennslu í íslenskum grunnskólum. Í greininni
verður íslensk tónmenntakennsla sett í samhengi við fræði um tónlistarmenntun og
þekkingu á tónmenntakennslu erlendis. Lítið er vitað um fyrirkomulag tónmennta-
kennslu hér á landi en námsgreinin hefur verið kennd um árabil og verið í aðal-
námskrá frá árinu 1976 (Helga Rut Guðmundsdóttir, 2008). Mikilvægt er að fylgjast
grannt með þróun kennslu í öllum námsgreinum en hætta er á að síður sé fylgst með
þeim greinum sem ekki eru prófaðar með samræmdum prófum. Upplýsingar um
kennsluhætti og starfsumhverfi tónmenntakennara eru afar mikilvægar fyrir þróun