Uppeldi og menntun - 01.07.2013, Qupperneq 88

Uppeldi og menntUn/icelandic JoUrnal of edUcation 22(2) 201388
ViðHorf Ungmenna til mannréttinda innflytJenda og mÓttökU flÓttafÓlks
Viðhorf til móttöku flóttafólks
Fram komu þrjú þemu við greiningu á orðum ungmennanna um móttöku flóttafólks
sem flýr stríð eða ofsóknir í heimalandi sínu. Eins og sjá má á mynd 3 eru þau: Mann-
réttindi, Val og takmörkun á flóttafólki og Siðgæði og hjálpsemi .
mannrét t indi
f lót tafólks
Val og takmörkun
á f lót tafólki
siðgæði
og hjálpsemi
ViðHorf
til mÓttökU
flÓttafÓlks
Mynd 3. Viðhorf til móttöku flóttafólks – þemagreining
Mannréttindi
Ungmennin nálgast mannréttindi flóttafólks með ýmsu móti. Dagný leggur áherslu
á öruggt umhverfi: „Mér finnst að allir flóttamenn ættu að geta fengið að flýja til
öruggra staða þar sem þeir eru öruggir.“ Ástæðuna segir hún vera þá að „við höfum
öll rétt á því að vera örugg og hafa húsaskjól, af því við erum öll mannleg.“ Svandís
bendir einnig á mikilvægi öryggistilfinningar og segir óviðunandi fyrir fólk að búa
við stríðsástand:
Maður þorir ekkert að senda barnið sitt í skóla af ótta við að það verði fyrir sprengju-
árás. Þannig að mér finnst alveg að það [fólkið] ætti að fá tækifæri til að vera í öruggu
umhverfi. Það er eiginlega bara grundvöllur í þarfapýramídanum hjá manneskju. Ef
maður finnur ekki fyrir öryggi þá hrynur allt annað.
Rök Finns fyrir því að aðstoða eigi flóttafólk eru þau að mikilvægt sé „að allir fái [þau]
mannréttindi sem þeir ættu að hafa svo að þeir geti lifað sem bestu lífi.“ Og Eiríkur
vísar í vítt samhengi með áherslu á jafngildi fólks í rökstuðningi sínum fyrir því að
taka á móti flóttamönnum: Mikilvægt sé „að sjá að það [flóttafólk] er hluti af jörðinni.
Það eru allir lítill hluti [hennar] og það skipta allir jafn miklu máli.“
Val og takmörkun á flóttafólki
Sum ungmennin eru þeirrar skoðunar að ekki sé hægt að gera ráð fyrir að tekið sé á
móti öllu flóttafólki. Mikilvægt sé að kanna bakgrunn þess. Til dæmis segir Hákon:
„Það þarf að líta á hvort þeir hafa gert eitthvað [af sér]. Þá er kannski betra að fram-
selja þá til yfirvalda sem hafa með það að gera.“ Hann bætir við: „Svo lengi sem maður
sendir þau ekki í opinn dauðann bara.“ Sjá má að hann hugar jafnframt að hugsanleg-
um afleiðingum þess fyrir flóttafólk ef landvistarleyfi þess er hafnað. Þá kemur fram