Tímarit Máls og menningar - 01.09.1959, Page 56

GUÐBEKGUR BERGSSON
Hraunið úr Öskuf jalli
HrauniÖ úr Öskufjalli
rann glóandi og rautt yfir landið
og hrannaðist í katla og borgir.
Ung álfhærð kona lagði barn sitt
nakið undir svarta hellu.
Á kvöldin heyrði fólkið ýlfur
í sprungum og margir villtust
er þeir fóru þar um í rökkrinu.
Það heyrði útburð sinn gráta.
En börnin sáu í því myndir
og fólk og andlit og hallir,
tíndu brunna litsteina
og kölluðu gull sitt.
I sumar kom þangað ung stúlka
og fór að striplast móti sólinni,
lét rauða slæðu á steinnibbu
eins og hún veifaði norðangjóstinum.
Og þangað kom ungur maður.
Og núna í haustþokunni
dregur fram grænan lit
úr gráum mosanum.

150