Tímarit Máls og menningar - 01.03.1966, Page 40

Timarit Máls og menningar
leikamerki og verið feimnismál, lýsir yfir landi að nýju. Skáld og mennta-
menn vilja magna trú þjóðarinnar á sjálfa sig, glæða þjóðfrelsishugsjónina
nýju lífi. Nú er þess að vænta að alþýða taki undir. Eldsnögg og leiftrandi
voru viðbrögð sjómanna á sumarvertíðinni í fyrra er þeir sigldu síldarflot-
anum í land og brutu gerðardóm ríkisstjórnarinnar. Ekki þyrfti annað en
viðbrögð af því tagi til að stöðva dátasjónvarp, samningana við alúmín-
hringinn, hernaðarframkvæmdir í Hvalfirði. Hver veit nema skáld og þjóð
skilji sinn vitjunartíma. Það er enginn að ætlast til að tímar „rauðra penna“
komi aftur í óbreyttri mynd. Rauðir pennar voru ekki byltingarsinnaðir
nema rétt framan af. Nú þarf rithöfunda af nýrri gerð, og við skulum vona
að skáldin snúi hug sínum til alþýðu og það sé rétt séð hjá Jóhannesi Helga
í lok Svörtu messu að alþýðan gangi með því skáldi sem er nógu róttækt
djarft og byltingarsinnað.
Og getur þá svo farið að sú auðstétt sem hélt hún sigldi á spegilsléttum
sjó fái storm og öldugang yfir sig.
30