Tímarit Máls og menningar - 01.03.1966, Page 88
Tímaril Múls og menningar
Það var dansleikur um kvöldið, vín eins og vatn og urmull af glettnum
konum.
Það var mikið um söng og slagsmál og útkastanir. Dagurinn eftir sagði
til sín.
Þessir menn hertir af vosbúð og sjósókn, lágu eins og slytti í kojunum
með vélsmiðju í höfðinu, þömbuðu pilsnir og keðjureyktu. Tómar ölflöskur
lágu eins og hráviði á gólfinu og í einu horninu skörtuðu pyttlur undan
göróttari drykkjum.
Og lokin nálgast.
Helmingur flotans hefur tekið upp. Uppi í hrauninu utan við bæinn glamp-
ar á riðilinn, grænan, bláan og gulan í sólinni, baujur reistar upp við krær,
lestarfjalir á stakkstæðum.
Aðkomufólkið streymir burtu, sumt með góðar fúlgur, annað snauðara en
það kom.
Bátarnir hallast hver að öðrum við bryggjur, þreytulegir og skrapaðir
eftir veturlangt slark og kletturinn speglar sig í kyrri höfninni.
í dag fimmta maí tóku þeir upp netin Sæljónsmenn.
Það er rokið í að leysa af á landleiðinni, vaðinn berserksgangur í netum,
kúlum og grjóti og sýslumaðurinn óspart notaður.
Kallinn glottir í hólnum.
Söngurinn ómar yfir kyrran sæinn meðan eyjarnar hjúpast léttri móðu og
kvöldsólin minnist við hvítan jökulskallann í vestri.
78