Tímarit Máls og menningar - 01.12.1967, Side 29

Ljósmyndir af plássi
ég útá 1. og 2. veðrétt, ég þurfti ekki að skrifa neitt Menel tekel á vegginn,
þeir gátu sagt sér það sjálfir að nýbýlastyrkurinn drægi ekki langt, sam-
kvæmt uppáskrifuðum útreikningum hrökk hann varla fyrir sökklinum, og
framlagið frá hagræðinganefnd, sem hefur þó komið mörgu góðu til leið-
ar, borgaði nokkurneginn afpússninguna á haughúsinu. En tilað haughús
fái staðizt þarf að vera fyrir því hurð! Nú, þegar húsin eru komin upp
krefjast þeir þess að ég sýni þeim mynd af ábúandanum. Mér varð orðs
vant, og svo fór ég að hlæja. Eg svaraði þeim með orðum Eiríks Kúlds
þegar frú Þuríður kvartaði yfir því á gamalsaldri hvað hann væri ljótur.
Seint séð Þuríður, andmælti ég Pétri bankastjóra, hann hefur verið í utan-
ríkisþjónustunni, hann sér alla hluti frá dönskum sjónarhóli, ekki bara hús-
gögn og bíla heldur líka efnahagsmál, ég skil ekki hvernig hann hefur orð-
ið svona rangeygur, sá danski sjónarhóll er ekki til í landslaginu! Hvað
hafa þeir líka uppá mig að klaga? þeir ágætu menn. í eitt einasta skipti
hef ég ekki getað innt af höndum rikisábyrgðarlán, það hljóp ekki á mörg-
um milljónum. Ég hef sýnt þeim alla tilskilda reikninga, ég hef birt viðtöl
um ræktunarmöguleikana og ljósmyndir af húsunum ...
JÓN A. ÞÓR grípur framí: Hvað hugsar hreppsnefndin í Upsafirði?
EYMUNDUR: Ekki múkk. Hann lyllir sér á brúnina á skrifborðinu. Mér þykir
leitt að þurfa að segja þér það, hún virðist hafa öðrum hnöppum að
hneppa.
JÓN A. ÞÓR: Upphaflega taldi hún staðinn illa í sveit settan og áætlunina ó-
raunhæfa, nú hefur hún þó framkvæmdirnar fyrir augunum.
Eymundi hnykkir við þegar hann sér að hann er með opna búð, hvítt skyrtu-
hornið stendur útúr klaufinni, hann snýr sér undan.
eymundur: Ég lét byggja akfæran veg framað Geirastaðakoti, á eigin kostn-
að, hreppsnefndin lagði ekki eyri í þær framkvæmdir, henni þótti eðlilegt
að ég flytti byggingarefnið frameftir á klökkum.
JÓN A. ÞÓR: Líka sandinn og mölina?
EYMUNDUR: Líka sandinn og mölina! Snúðugt: Þarf það að koma þér á
óvart?
JÓN a. ÞÓR: Ekki segi ég það nú. Ég tók enga afstöðu. Sem lögfræðingur ...
EYMUNDUR grípur framí: í bréfi dagsettu 4/3 bauð ég þeim jörðina að heita
má leigulaust gegn því að þeir rækju þar 80 kúa bú og kæmu upp geril-
sneyðingarstöð. Eini umsækjandinn að ráðsmannsstöðunni reyndist vera
málhaltur, þeas litaður á vissan hátt, það komu á mig vomur, ég er ekki
331