Tímarit Máls og menningar - 01.10.1969, Page 35

Undantekningin og reglan
dómarinn: Nei það var enginn steinn. Þér sjáið þó að það var vatnsflaska.
kaupmaðurinn : Ég gat ekki rennt grun í það væri vatnsflaska. Maðurinn
hafði enga ástæðu til að bjóða mér að drekka. Eg var ekki vinur hans.
leiðsögumaðurinn : En hann bauð honum að drekka.
dómarinn: En hversvegna bauð hann honum að drekka? Hversvegna?
LEIÐSÖGUMAÐURINN: Sjálfsagt afþví hann hélt að kaupmaðurinn væri þyrst-
ur. Dómararnir brosa hver til annars. Sennilega af manngæzku. Dómar-
ararnir brosa aflur. Máski af heimsku, því ég trúi honum hafi ekki verið í
nöp við kaupmanninn.
kaupmaðurinn : Þá hlýtur hann að hafa verið fjarska heimskur. Maðurinn
hafði orðið fyrir meiðslum af mínum völdum, kannski biði hann þeirra
aldrei bætur. Handleggurinn! Það var bara rétt af honum að endurgjalda
mér það.
leiðsögumaðurinn: Það var bara rétt.
KAUPMAÐURINN: Fyrir lítinn pening gekk þessi maður við hliðina á mér,
sem á mikla peninga. En leiðin var okkur báðum jafn torsótt.
leiðsögumaðurinn: Þetta vissi hann!
KAUPMAÐURINN: Þegar hann var þreyttur var hann barinn.
leidsÖGUMAÐURINN: Og það er ekki rétt?
kaupmaðurinn : Að ganga ekki að því vísu að kúlíinn slægi mig í rot við
fyrstu hentugleika hefði þýtt að ganga að því vísu að hann ætti ekki til
skynsemi.
dómarinn: Þér meinið þér hafið með réttu gengið að því vísu að kúlí-
anum hlyti að vera í nöp við yður. Þá hefðuð þér drepið tiltölulega mein-
lausan mann, en eingöngu vegna þess þér gátuð ekki vitað hann væri mein-
laus. Þetta hendir við og við hjá lögreglunni. Þeir skjóta á mannsöfnuð,
mótmælamenn, mesta friðsemdarfólk, eingöngu vegna þess þeim dettur
ekki annað í hug en þetta fólk rífi þá hreinlega af hestbaki og lífláti. Þessir
lögreglumenn skjóta víst allir af hræðslu. Og að þeir skuli vera hræddir
ber vott um skynsemi. Þér meinið þér gátuð ekki vitað að kúlíinn væri
undantekning!
KAUPMAÐURINN: Maður hlýtur að styðjast við regluna og ekki undantekn-
inguna.
dómarinn: Já, svona er það: Hvaða ástæðu skyldi þessi kúlíi hafa haft til að
gefa kvalara sínum að drekka?
leiðsögumaðurinn: Enga skynsamlega!
9tmm
129