Tímarit Máls og menningar - 01.09.1982, Side 5

Ádrepur
Þetta hefti er að nokkrum hluta helgað leiklistarmálum. Fengur er að fá grein
Peters Brook um dauða leikhúsið á íslensku, en grein Thomasar Ahrens er
samin sérstaklega fyrir þetta hefti. Thomas hefur starfað við Alþýðuleikhúsið í
fáein ár, en hann er þýskur og vann lengi við Grips-leikhúsið, hið þekkta
barna- og unglingaleikhús í V-Berlín.
Viðamesta greinin í heftinu er um íslenska dagblaðagagnrýni. Höfundur
hennar, Astráður Eysteinsson, kennir um þessar mundir við háskóla í Iowa í
Bandaríkjunum.
Ritstj.
Ástráður Eysteinsson
Hvers konar tímarit?
Það hefur verið gaman að fylgjast með Tímariti Máls og menningar undanfar-
ið; sjá ritið sækja á fimmtugsaldurinn ferskt og þróttmikið. Nú hefur og
heftum fjölgað og útgáfutími orðið reglulegri. Eg hygg að áhugi almennings og
viðtökur muni heldur ekki láta á sér standa.
Ef til vill er það með hið síðastnefnda í huga sem maður bregst lítt hrifinn við
sjónarmiðum eins og þeim sem fram komu í Adrepu Svans Kristjánssonar í
síðasta hefti. Svanur talar um að áskrifendum TMM fari fjölgandi og útgáfan
standi með nokkrum blóma, en bætir við að efnið sé „engu að síður heldur
einhæft og mjög bundið við bókmenntir og bókmenntafræði." Svanur talar hér
eins og vaxandi vegur TMM sé eitthvað sem gerst hefur af sjálfu sér. Skyldi
almenningur hafa brugðist svo jákvætt við ef ritið væri raunverulega of
einhæft?
371