Tímarit Máls og menningar - 01.09.1982, Page 33

„Alltaf ein, það er best
greind, og þegar hún fær að njóta þess eru henni allir vegir færir.
Kristín nýtur þess líka að hafa tekið stúdentspróf áður en hún gifti sig,
annars hefði hún varla átt völ á eins góðu starfi og hún fær.
Kristín er eindregin vitundarmiðja leiksins. Hún er á sviðinu allan
tímann, allt sem við vitum veit hún. Þetta er bæði kostur og galli á
verkinu, kostur vegna þess að það gefur okkur tækifæri til að kynnast
henni vel og fylgjast með henni í öllum sviptingum leiksins; galli af því
að það gefur öðrum persónum ekki tækifæri til að þróast í verkinu.
Reynsla þeirra gerist að mestu utansviðs.
Aukapersónurnar, eiginmaðurinn Arni, dóttirin Sif, samstarfskonan
Sólborg, húshjálpin Baddý og Oddur maður hennar, gegna allar því
meginhlutverki að draga fram hina ýmsu eiginleika Kristínar og varpa
ljósi á viðfangsefni leiksins, því allar „skilja“ þær á einhvern hátt í
verkinu. Það er áhrifamikið bragð að láta átök milli aðalpersóna eiga sér
399