Tímarit Máls og menningar - 01.09.1982, Side 130

Tímarit Máls og menningar
sannað að hann á í vissum erfiðleikum
með að skilja íslenskt mál umfram það
venjulega, sem gerir hann afar óheppi-
legan sem ritdæmanda. Hann hefur
sömuleiðis sýnt að hann á auðvelt með
að hrista fram úr erminni umsagnir eins
og „bull“ og „della“, án þess að rökstyðja
þær frekar. Eg hef undantekningalaust
sannað að þessar umsagnir eru út í
bláinn. Ritdómarinn er þess vegna ekki
trúverðugur. Hann ásakar mig um alls
kyns rangfærslur í bók minni og fer þar
alls staðar með staðlausa stafi. Með
gagnrýninni afhjúpar hann kunnáttu-
leysi sitt um hagkenningar og hugtök,
sem sýnir að samviskusömum og bylt-
ingarsinnuðum sósíalista nægir ekki það
eitt saman að hafa áráttu til að lesa
borgaralega hagfræði; það er nám sem
krefst aga og elju.
Þrátt fyrir það að ég sjái marga
snögga bletti á skrifum Asgeirs og hefði
getað farið um þá fleiri orðum, hef ég
ennþá ekki skilið til fulls tilganginn að
baki hinni heiftarlegu gagnrýni; þessari
leiftursókn. Maðurinn segist vera
marxisti og mig telur hann vinstri
mann. Samt eru skrif hans um bók
mína, Frjálshyggjuna, neikvæðari og
ofstopafyllri en annað sem ég hef séð
eftir hann. Eru skrifin gegn frjáls-
hyggjunni hættulegri alþýðunni en á-
róður frjálshyggjumanna? Eru vinstri
menn hættulegri andstæðingar en hægri
menn, líkt og í Sovétríkjum Stalíns? Eða
er Asgeir bara að undirbúa innreið sína í
gylltu salina í seðlabönkunum til hinna
trottaranna? Sé svo segi ég: Góða ferð.
Birgir Bjöm Sigurjónsson.
496