Tímarit Máls og menningar - 01.02.1986, Síða 115

Ezra Pound
Sestina: Altaforte
Loquitur: Bertrans de Born. Dante Alighieri sendi þennan mann til helvítis fyrir að vera
friðarspillir. Eccovi! Dæmið þér? Hef ég grafið hann upp aftur? Sviðið er kastali hans,
Altaforte. „Papiols" er söngvarinn hans. „Hlébarðinn” er skjaldarmerki Ríkharðs ljónshjarta.
Djöfullinn hafi það, hér er fýla af friði.
Papiols, hundur og hóruungi! Komdu með söng!
Eg lifi aðeins er sverðin saman skella.
En er ég sé gunnfána gullna, rauða, mætast
og vellina undir þeim litast lifrauðu blóði
þá æpir hjarta mitt hartnær tryllt af gleði.
Á heitu sumri fyllist ég góðri gleði
er ofviðrið skekur jarðar fúlan frið
og elding af myrkum himni björt sem blóð
og grimmar þrumur gala mér sinn söng
og vindar æpa í skýjum óðir og mætast
og á sundurtættum himni sverð guðs skella.
Helvíti gefi við heyrum nú sverðin skella!
og hávært frís í fákum ólmum af gleði
er gaddað brjóst og gaddað brjóst mætast!
Betra er stríð eina stund en ár af friði
af krásum og víni, dræsum og dauflegum söng!
Hah! Ekkert vín er eins rautt og rennandi blóð!
Yndi að sjá sólina rísa rauða sem blóð,
sjá hvernig hennar spjót á myrkrinu skella,
það fyllir hjarta mitt gervallt af gleði
105