Glóðafeykir - 01.11.1974, Síða 13

GLÓÐAFEYKIR
13
Áburður og fóðuruörur.
Heildarsala K.S. á fóðurvörum var 3.290 tonn, þegar allar teg-
undir fóðurs eru teknar með. Langsamlega mest var selt af A-, B- og
KS-blöndu, eða 2.937 tonn. Sala á áburði varð alls 3.554 tonn, og
hafði magn hans lækkað um 93 tn., miðað við fyrra ár.
Sjávarafli.
Á s. 1. ári barst meiri fiskafli á land í Skagafirði en nokkru sinni
áður. Þeir 3 togarar, sem hingað hafa verið keyptir, lönduðu hér
tæpum 4.000 tonnum, en heildaraflinn, sem barst á land á Sauðár-
króki og Hofsósi nam alls 4.342 tonnum, auk 759 tunna af grásleppu-
hrognum. Talið er að heildarverðmæti aflans upp úr sjó hafi numið
85—90 millj. króna, en heildarútflutningsverðmæti sjávarafurða,
sem framleiddar voru hér í Skagafirði, hafi á árinu numið 190—200
millj. króna.
Staða kaupfélagsins út á við.
Þrátt fyrir þær umfangsmiklu fjárfestingar, er ég hef áður gert
grein fyrir, þá má telja, þegar allar ytri aðstæður eru skoðaðar, að
hagur félagsins út á við sé framar öllum vonum. Við höfum fengið
loforð fyTÍr eðlilegri lánveitingu út á sláturhúsið, er nema átti 50%
af kostnaði hússins með búnaði. Sláturhúsið var metið um s. 1. ára-
mót á 130 millj. króna, og hefði því átt að vera búið að veita alls um
65 millj. í lán vegna þess. Því miður höfum við orðið fyrir algerri
afgreiðslutregðu með þessa fyrirgreiðslu, og höfum nú aðeins fengið
lán frá Stofnlánadeild Búnaðarb. að fjárhæð 6 millj. kr., og var það
lán veitt í janúar 1973. Að auki hefur Framleiðnisjóður landbún-
aðarins lánað 9,5 millj. kr., en óafturkræft framlag, er við eigum að
fá úr þeim sjóði, mun vart verða afgreitt fyrr en í fyrsta lagi 1975—
1976, og á að nema um 33% af kostnaðarverði hússins með búnaði;
þó verður ekki veittur styrkur út á stækkun frystiklefa.
Það er. naumast vansalaust, hvernig með okkur hefur verið farið
varðandi fyrirgreiðslu lána, og mundi hafa stórskaðað félagið út á
við, hefði það ekki sjálft verið það fjárhagslega sterkt, að eigi hefur
brotnað á því enn. Ég vil þó geta þess, að þegar ákveðið var að kaupa
vélar og tæki fyrir Mjólkursamlagið og endurbæta húsnæði þess, en
þar er um að ræða ijárfestingu, sem nema muni alls um 50—60 millj.