Glóðafeykir - 01.11.1974, Page 43

GLOÐAFEYKIR
43
Úr Leirgerði
FRAMHALD
Ritaranum hafði borizt það til eyrna eftir góðum heimildum
hreppstjórans í Viðvíkurhreppi, Bessa Gíslasonar, að Jón á Bakka
væri búinn að byggja hálfa óðalsjörð sína álitlegum manni. Þótti
ritara miður að hann skyldi minnka þannig ríki sitt, en skildi þó
ástæður Jóns, jafn gamals manns, að hann kysi að hafa minna um-
leikis en er hann stóð í blóma lífsins. Nú stóðu sýslunefndarmanns-
kosningar fyrir dyrum og áleit ritari að skeð gæti, að útkoman yrði
lík og hjá Churchill, að hann mundi bíða lægra hlut, og var mjög
uggandi um afturkomu hans í sýslunefndina. Vísur þessar orti
hann til Jóns af þessu tilefni:
Byggt hefur Jón minn Bakkus af
Bakkanum sínum góða,
fyrr sem honum gnægtir gaf
gulls — og ástir fljóða.
Aldrei þjáði þenna mann
þras né valdasýki.
Fornri risnu heldur hann
þótt hliðri af sínu ríki.
Veifaði forðum víga-nað,
væddur dáð og snilli.
En alltaf mjókkar bæsings blað
bakka og eggjar milli.
Uggvænlegt er út við sjó —
ernir í björgum hlakka.
Úr kosninganna djúpi dró
dimman hríðarbakka.