Glóðafeykir - 01.11.1974, Page 55

GLÓÐAFEYKIR
55
1873. Foreldrar: Þorsteinn bóndi á Grund Þorláksson, bónda í Mið-
vík í Grýtubakkahr., Jónssonar bónda á Tindriðastöðum í Fjörð-
um, Nikulássonar, og kona hans Helga Árnadóttir bónda á Dálks-
stöðum efri á Svalbarðsströnd, Árnasonar
bónda þar, Halldórssonar bónda á Veiga-
stöðum, Jónssonar, en móðir Helgu Arnad.
var Helga Kristjánsdóttir í Uppibæ í Flat-
eyjarhr., Bárðarsonar. Var Óskar albróðir
Petreu, konu sr, Sigfúsar í Hvammi og síð-
ar á Mælifelli.
Óskar missti föður sinn er hann var enn
á barnsaldri. Um fermingaraldur fór hann
að Ósi í Hörgárdal til Guttorms bónda þar,
Einarssonar í Nesi Ásmundssonar. Þar, á
því mikla myndarheimili og menningar,
var hann 4 ár. Taldi hann sig jafnan hafa
mikið grætt á dvöl sinni á Ósi einmitt á því skeiði, er skaphöfn hvers
manns og geðfar allt mótast hvað mest; minntist hann og húsbænda
sinna þar æ síðan með hlýhus: 02: einlægri virðinaru.
Tæplega tvítugur hverfur Óskar vestur hingað til Skagafjarðar
og gerist vistráðinn hjá systur sinni og mági, prestshjónunum í
Hvammi í Laxárdal. Þar kynntist hann konuefni sínu, Sigríði Hall-
grímsdóttur Hallgrímssonar, eyfirzkrar ættar, og konu hans Helgu
Jónsdóttur á Tindum á Ásunr, frábærri konu að gervileik og mann-
kostum. Giftust þau árið 1897, reistu bú á Herjólfsstöðum á Laxár-
dal 1899, en höfðu árið áður haft lítinn hluta af Hvammi til ábúðar,
fóru síðan byggðum að Hamarsgerði á Fremribyggð, er þá var eign
Mælifellskirkju, en sr. Sigfús hafði fengið Mælifell aldamótaárið.
I Hamarsgerði bjuggu þau til 1919, þá í Kjartansstaðakoti til 1944,
brugðu þá búi og fluttu til dóttur sinnar, er þá bjó ekkja á Ög-
mundarstöðum; þar voru þau 4 ár, en hurfu þá aftur að Kjartans-
staðakoti til sona sinna tveggja, er bjuggu þar og á Kjartansstöðum,
og voru með þeim til æviloka. Sigríður lézt árið 1953.
Af 12 börnum þeirra hjóna komust 11 á þroskaaldur: Laufey,
húsfr., látin, Helga, húsfr. á Ögmundarst., Steingrimur, f. bóndi á
Páfastöðum, nú til heimilis á Sökku í Svarfaðardal, Petrea, húsfr.
á Hóli í Sæmundarhlíð, Sigurður, bóndi í Krossanesi í Hólmi, Ingi-
björg, látin, Margrét, látin, Vilhjálmur, bóndi í Reiðholti, nýbýli
hjá Mælifelli, Skafti, mjólkurfræðingur og bóndi á Kjartansstöðum,
Ármann, bóndi í Kjartansstaðakoti, Guttormur, gjaldkeri hjá Kaup-