Glóðafeykir - 01.11.1974, Síða 56

56
GLÖÐAFEYKIR
félagi Skagf. á Sauðárkr. Uppeldissonur þeirra er Ragnar Örn, smið-
ur í Reykjavík.
Fátæk voru þau hjón lengstum ævinnar, enda ómegð mikil og
ábýlisjarðir þeirra eigi mikilla kosta. En þau voru óvenjulega sam-
hent og bæði gædd frábæru þreki og elju, senr entist þeim til að
koma upp hinum stóra og myndarlega barnahópi með þeirn hætti,
að til fyrirmyndar mátti telja. Óskar var mikill þrifnaðarbóndi,
verkhygginn og vandvirkur, reglusamur og snyrtimennska var hon-
um eðlisgróin. Hann fór manna bezt með allar skepnur og hafði af
þeim óskorað yndi og arð.
Óskar Þorsteinsson var meðalmaður á velli, frekar grannvaxinn
og grannholda, vel farinn á allan hátt. Hann var greindur maður og
margfróður, fastlyndur og fáskiptin, hlédrægur og eigi hlutsamur
um annarra ha°i. Hann var drengur góður, vinsæll maður og vannn-
laus á hverja grein.
Sigurður Björnsson, bílstj. á Sauðárkr., lézt þ. 26. febr. 1967.
Hann var fæddur að Litlu-Giljá í Þingi 11. jan. 1907, sonur Björns
bónda þar Sigurðssonar frá Gröf í Víðidal og konu hans Söru Þor-
leifsdóttur. Hann missti föður sinn 1911,
fluttist nokkru síðar síðar með rnóður sinni
út á Blönduós og dvaldist þar með henni
unz þau mæðgin hurfu, árið 1927, norður
yfir Vatnsskarð til Guðrúnar, dóttur Söru
og eiginmanns hennar, Steingríms Arason-
ar, er þá bjuggu á Víðimýri. Tveim árum
síðar fluttist svo Sigurður með móður sinni
til Sauðárkróks og átti þar heima til loka-
dags.
Þegar á tvítugsaldri gerðist Sigurður bíl-
stjóri að atvinnu, á Blönduósi fyrst og síðan
hér í Skagafirði. Tók að sér og hélt uppi
um 10 ára skeið, í samvinnu við Harald Júlíusson kaupmann, föst-
um ferðum milli Varmahlíðar og Haganesvíkur. Eftir það vann
hann með vörubifreið og hélt því áfram allt til síðustu ára, er hann
gerðist aðstoðarmaður við afgreiðslu Flugfélags íslands.
Árið 1940 kvæntist Sigurður Páln Sveinsdóttur og konu hans
Ingibjargar Jónsdóttur, er bæði voru breiðfirzkrar ættar. Var Pála
uppeldisdóttir Magnúsar Guðmundssonar, verzlunarm. á Sauðárkr.,
og konu hans, Margrétar Pétursdóttur. Þau eignuðust tvær dætur:
Sigurður Björnsson