Glóðafeykir - 01.11.1974, Side 58

58
GLOÐAFEYKIR
andi sólskinssjóð. Hann jós ótæpt úr þeim sjóði og, stráði gleðigeisl-
um á veg vina og samferðarmanna. Hann unni Ijóðum og söng, var
sjálfur hagmæltur, hafði mikla og góða söngrödd, orðlagður
kvæðamaður. Honum fylgdi söngur og gleði, hvar sem hann fór.
Hann var frábærlega gestrisinn og bæði þau hjón. Honum var yndi
af gestakomu, nautn að blanda geði við aðra. Af fundi hans fóru
allir léttari í lund og glaðari í bragði en þeir komu. Eitt sinn var
sagt að eigi hefði hann fataskipti og færi út af heimilinu án þess að
fá sér um leið „einn gráan“. Ofmælt er það. Hitt er satt, að oftast
átti hann tár á glasi. En honum var það meiri nautn að veita vín
en drekka sjálfur. Hann var enginn meinlætamaður. Hann vildi lifa
lífinu — og gerði það.
Pálmi á Reykjavöllum var mikill höfðingi. Hann var ör í geði,
hreinlundaður og hlýr, hjálpsamur og greiðvikinn, einstakur skila-
maður, sérstæður maður og mörgum eftirminnilegur.
Rögnvaldur Jónsson, vegaverkstj., lézt þ. 11. marz 1967.
Hann var fæddnr í Hjaltastaðahvammi í Blönduhlíð 15. sept.
1884, sonur Jóns bónda þar og síðar á Þorleifsstöðum Jónassonar og
konu hans Guðrúnar Þorkelsdóttur ljós-
móður. Var hann albróðir Jóhannesar á
Þorleifsstöðum, sjá þátt af honum í Glóðaf.
1973, 14. h. bls. 74.
Rögnvaldur ólst upp í föðurgarði við
mikið ástríki góðra foreldra og ærsl og leiki
margra systkina, sem öll voru yngri en
hann. Heimilið var fátækt, en ánægjusamt
unt margt. Þar fór saman elja og vinnusemi,
höfðingslund og rausn — langt um efni
fram. Og börnin, þessi glaði hópur, setii
sinn svip á heimilið meir en almennt gerist.
Aldamótaárið fluttist Rögnvaldur með
foreldrum sínum frá Hjaltastaðahvammi að Þorleifsstöðum í
Blönduhlíð og var þar til fullorðinsára. Árið 1909 kvæntist hann
Sigríði Árnadóttur bónda á Stóru-Ökrum, Jónssonar bónda í Mið-
húsum í Blönduhlíð, Björnssonar, og konu hans Sigríðar Jóhanns-
dóttur bónda í Krossanesi í Hólmi, Þorvaldssonar, og Margréiar
Oddsdóttur bónda í Litladal í Blönduhlíð, Ormssonar bónda í
Krókárgerði í Norðurárdal. Árið 1911 settu þau saman bú að Minni-
Ökrum í Blönduhlíð, en bjuggu þar aðeins eitt ár; voru næstu ár í
Rögnvaldur Jónsson