Ritröð Guðfræðistofnunar - 01.09.2005, Page 20

sunginn við messugjörð á hverjum jólum meðan Grallarinn var við lýði.
Hins vegar var hann meðal þeirra sálma Lúthers sem felldur var úr sálm-
abókinni sem Landsuppfræðingafélagið gaf út 1801 og nefnd var Leirgerður
meðal fólks og var sú nafngift mynduð af útgáfustað bókarinnar, Leirár-
görðum í Borgarfjarðarsýslu.14
Þýðing Stefáns Thorarensens
Árið 1871 kom út ný sálmabók (Sálmabók 1871) þar sem nokkrir þeirra
sálma sem Leirgerður felldi út birtust í nýjum þýðingum og var sálmurinn
„Heiðra skulum vér Herrann Krist“ meðal þeirra.15 Þýðandi hans var séra
Stefán Thorarensen, prestur á Kálfatjöm á Vatnsleysuströnd (1831-1892).
Séra Stefán var gott skáld og vel að sér bæði um sálmasögu og eins um kirkju-
tónlist. Það er tvennt sem vekur þegar athygli við þýðingu hans. Hið fyrra er
að hann heldur upphafi sálmsins óbreyttu frá því sem það hafði verið áður:
„Heiðra skulum vér Herrann Krist.“ Hið síðara er að sálmurinn er ekki lengur
leisa heldur er í lokahendingunni beinlínis skírskotað til englasöngsins á
jólanótt: „Sé Drottni dýrð.“ Versin em líka aðeins sex og fellir sr. Stefán niður
5. vers Lúthers. Út frá þessu er hægt að álykta annars vegar að sr. Stefán
umyrki sálminn úr Grallaranum og hann hins vegar hafi haft hliðsjón af
danskri þýðingu sálmsins eins og síðar verður vikið að. í Sálmabók 1871 var
sálmurinn þessi:
1. Heiðra skulum vér Herrann Krist,
heimsins fæddan oss mann í vist
skírlífrar meyjar skauti frá,
skaparans englar lof sem tjá.
Sé Drottni dýrð.
2. Guðs vors eingetinn sonur sæll,
sannur Guð verður aumur þræll.
Dauðlegt vort hold og blóðið ber
blessaður Guð í veröld hér.
Sé Drottni dýrð.
3. Mær á skautinu hefur hann,
heimur allur sem hylja" ei kann.
Sá er nú orðinn ungur sveinn,
öllum sem hlutum ræður einn.
Sé Drottni dýrð.
14 Sálmabók 1801.
18