Ritröð Guðfræðistofnunar - 01.09.2005, Blaðsíða 144

eru margvíslegar. Um 40 % taka skilyrðislaust undir fullyrðinguna: „Ég játa
kristna trú“, og svipaður fjöldi á sér persónulega trú á kærleiksríkan guð
sem það snýr sér til í bæn.
Samnorræn könnun á sálmum sem gerð var árið 1994 sýnir svo ekki
verður um villst að íslendingar segja sig játa kristna trú í meira mæli en
aðrir Norðurlandabúar.
Tafla 1. Afstaða Norðurlandaþjóða til kristni. Sálmakönnunin 1994. Pró-
sentutölur.
Danm F.Finn S. Finn Isl Nor Svíþj
n= 494 671 207 1109 473 713
Játa kristna trú 15 18 16 42 15 10
Kristnir á sinn hátt 70 75 77 53 58 69
Ekki kristnir 14 7 7 5 27 21
99 100 100 100 100 100
S.Finn= sænskumælandi Finnar
F.Finn= finnskumælandi Finnar
(Heimild: Pétur Pétursson 2001: 64)
Kannanir sýna einnig (Guðfræðistofnun 1987 og Gallup 2004) að und-
anfarna tæpa tvo áratugi hefur þeim ekki fækkað sem eiga sér kristna guð-
strú, en efahyggjumönnum hefur fjölgað og þeim einnig sem virðast hafna
guðstrú. Árið 2004 tóku 25% landsmanna undir þá fullyrðingu að ekki sé til
neinn annar guð en sá sem manneskjan hefur sjálf búið til, 1987 voru það
17% (Pétur Pétursson 2005). Þetta bendir til þess að um a.m.k. 35% lands-
manna eigi sér margvíslegar og stundum óljósar hugmyndir um guð sem
ekki eiga sér stoð í kristinni kenningu. Hins vegar endurspeglar guðstrúin
ekki alltaf viðhorf fólks til kirkjunnar og kristinna safnaða og nægir að
benda á það að enn tilheyra rúmlega 90% íslendinga kristnum söfnuðum og
þótt nákvæmar tölur vanti má telja víst að yfir 90% landsmanna séu skírðir
samkvæmt kristnu ritúali. Könnun Guðfræðistofnunar 1987 sýndi að 98 %
landsmanna, 18 ára og eldri, hafði fermst. Stuðningur við kristin siðræn
gildi og jákvæðar væntingar í garð kirkjunnar almennt eru ekki bundnar við
þann hóp sem játar skilyrðislaust kristna trú og á persónulegt bænasamband
við kærleiksríkan guð. Þegar svo við bætist að stór meirihluti landsmanna
hefur alist upp við bænir og biður bænir bendir það til þess að á bak við hina
142