Múlaþing: byggðasögurit Austurlands - 01.01.1984, Side 143

múlaþing
141
gefst, því við eigum varla eftir 1 hest af töðu af öllu heyi. Nú er klukkan
11 og alheiðríkt og frost stirnandi á snjóinn (og nú fer ég að sofa).
8. maí: Glórulaus norðvestan bylur allan daginn, þar til kl. 9. Þá fór
að birta og hroðalegt ofveður og alhélaðir gluggar.
9. maí: Heiðskírt, vestanstæður og 5 gr. frost um morguninn og besta
veður allan daginn og 20 gr. hiti móti sól um miðjan daginn en 15. gr.
klukkan sjö um kvöldið.
10. maí: Glórulaus bylur allan daginn, 2 gr. f. og mikið harðviðri.
11. maí: Norðan og 3 gr. frost um morguninn og gott veður um daginn
og ég út í Lón með hestana og flutti farangur Bjarna út að Bæ og mikill
snjór í Kollumúlasporðinum.
12. maí: Pabbi að ganga heima báða dagana og fann dautt eftir
veðrið.
13., 14. og 15. maí: gott veður og hlýtt með skúrum af og til.
16. maí: sama veður og ég og Runólfur [í Kambseli] heim og fengum
byl á Hofsjökli og nýjan snjó í sokkaband en regnskúrir niðri í dölum.
17. maí: himinblíða og frost á snjó um morguninn og við Runólfur
bárum bagga upp á Hofsjökul en pabbi gekk suður í Múla og Árni í
Hnaukum, hann kom um kvöldið til að bera með mér austur.
18. maí: Alheiðríkt veður allan daginn og frost á snjó og færi upp á
jökul um morguninn. Við öll austur nema pabbi og mamma og ókum og
bárum yfir Hofsjökul. Komum að Hofi kl. 7 um kvöldið og lentum þar.
[Ekki verður annað séð á dagbókunum en að þetta sé í fyrsta sinn, sem
drengirnir skreppa bæjarleið].
19. maí: Sama veður og við að Bragðavöllum um nóttina kl. 1. Og Jón
Arnason á Múla með mér og kom hann á móti mér bka með hestana.
[Jón var hálfbróðir Sigfúsar og sammæðra. Kemur Jóns nafnið býsna oft
fyrir í ættum Víðidalsfólksins].
20. maí: sama veður og ég út í kaupstað og heim um kvöldið og Jón í
Múla og Jón á Rannveigarstöðum.
21. og 22. maí: sama veður.
23. maí: sama veður og ég út á Djúpavog og lenti á Hamri, áin
sjómikil.
24. maí: þykkt loft og austan bræla og ég að aka skít á túnið.
25. maí: rigningarskúrir austan og ég ætla suður að Starmýri í kvöld
upp á kýrkaup. [til að kaupa kú].
Þar lýkur dagbókarskrifum Jóns Sigfússonar að sinni og skrifar hann
ekki aftur í dagbók sína fyrr en 1. janúar 1902. Við vitum því ekki