Múlaþing: byggðasögurit Austurlands - 01.01.1984, Blaðsíða 149

múlaþing
147
ýtrasta. 20. apríl um vorið skrifar Jón: „Fúsi stóð yfir og Gaui líka - við
nú farnir að gefa lömbum deig og mörgum ám líka.“ 22. apríl: „Nú
erum við að klára við okkar hey — betur að guð gefi nú góðan bata —
margt okkar fé nú með lungnaveiki." í byrjun maí segir Jón að orðið sé
bjargarlaust með heybirgðir um allan Álftafjörð og Hálsþinghá en þá
kom hið langþráða vor og um 25. maí var fénaður búinn að fá nægan
gróður. Sumarið 1919 varð hið farsælasta, góð silungsveiði varð um
haustið og heilsan virðist nú hafa farið batnandi hjá Jóni og fyrri hluta
næsta vetrar náði hann um 170 rjúpum. Hey gáfust þó fljótt næsta vetur
og í mars 1920 komu þeir 20 ám í fóður hjá Olafi lækni á Búlandsnesi og
hey fengu þeir hjá ýmsum öðrum. En sauðburður gekk vel um vorið og
Jón var það hress að hann gat legið á greni nokkra daga í júní. Hey-
skapur gekk nokkuð vel fram í ágústlok og um haustið nefnir Jón mik-
inn berjavöxt, bæði bláber og krækiber. En með haustinu gekk í miklar
rigningar og fluttu þeir oft hey í votabandi heim á túnið. 8. okt. skrifar
Jón: „hafa verið stöðugar rigningar og mesta ótíð en blíðviðri - enga
göngu búið að ganga ennþá - alltaf ófært fyrir vötnunum og þokum og
rigningum. Við fengum af öllu heyi 75 hesta af vænu bandi en illa hirt
síðan ótíðin byrjaði, sem var upp úr höfuðdegi. Silungsveiði lítil hjá
okkur fyrir vatnavöxtum en mikill silungur, — í Hamarsseli í dráttarnet
um 800 silungar á einum degi.“ Rétt fyrir miðjan október tókst þó að
ganga dalinn og þann 19. voru „allir að vinna við slátrin.“ Þann 25.
nóvember talar Jón um að kaupmenn gangi hart eftir skuldum. Upp úr
10. desember urðu svo mildir byljir að torf reif af vallgrónum húsum og
verða nú tilgreindar færslur fjögurra síðustu daganna í bókum Jóns og
eru þær frá desember 1920:
16. des.: Jón gamh á Múla kom með mikið af bókum til mín frá Birni
frænda.
17. des.: drengir að ganga Snædalinn og hýstu það sem fannst og
Margrét sótti þara og ég fékk bréf frá Bjarna í Hraunkoti.
18. des.: Austan drífa allan daginn og ljótur og drengir að smala og
hýst og vantar 15 eða 16 sem við eigum. Kristján póstur fór með gömlu
Grýlu suður í Lón. Melrakkanesmenn að smala hka og nú er farið að
hvessa á norðan.
19. des.: Norðaustan hægur og frost og mikið kóf með kvöldinu og
bókin enduð og á að byrja á nýrri.
Hér enda þó dagbækur Jóns Sigfússonar og er ekki vitað um að fleiri
hafí varðveist af þeim, hafí hann þá byrjað á nýrri bók eins og hann