Múlaþing: byggðasögurit Austurlands - 01.01.1988, Blaðsíða 12

10
MÚLAÞING
í desember 1980 keypti safnið helming í gömlu síldarsjóhúsi ásamt
bryggju og stórri lóð, en þessi eign er í austurenda bæjarins á svokölluð-
um Hlíðarenda. Þessi mannvirki voru byggð um 1890 af norskum
manni, Peter Randulff, og eru þau enn í dag kennd við hann. Eftir
hans dag var þetta í eigu tveggja bræðra, Friðriks og Þorgeirs Klausen
og nýttu þeir eignina allt fram til 1940 og þá helst við síldveiðar. Engar
breytingar hafa farið fram á húsi né bryggju frá upphafi, og þarfnast
því hvort tveggja mikilla endurbóta.
Nú síðustu þrjú ár hefur verið unnið allmikið að lagfæringum og
fyrirhugað er að ljúka því brýnasta á næstu tveimur árum. Þarna er
um að ræða mjög stóra lóð sem hefur að mestu sloppið við byltingu
nútímans, og er það draumur okkar í stjórn safnsins að flytja Gömlu-
Búð úr þeim þrengslum sem hún er í á sjóhúsalóðina og búa þar
framtíðaraðstöðu fyrir safnið - með miklum stækkunarmöguleikum.
Ekki má láta ógetið þeirra einstaklinga og stofnana sem hafa gert
það kleift að koma safninu í það horf sem það er í. Ber þar fyrst að
nefna Hilmar Bjarnason sem hafði í upphafi forgöngu um málið og
hefur síðan alla tíð verið óþreytandi við að vinna að högum safnsins.
En einnig eru margir aðrir sem hér hafa lagt hönd að og sýnt velvilja.
Húsfriðunarsjóður hefur árlega lagt fé af mörkum til uppbyggingar,
Lœkningahorn á loftinu í Gömlu búð. Frá vinstri: l. Tæki notað til að reyna andþol
berklasjúklinga. 2. Skápur með handlœkningatœkjum frá Einari Astráðssyni héraðslœkni.
3. Ljósalampi. 4. Skurðarborð.