Þjóðmál - 01.09.2009, Blaðsíða 12

10 Þjóðmál HAUST 2009
Steingrímur J . hafi gengið fram á þennan
ótrúlega hátt, telur Jón Kaldal, að „sú ára
trúverðugleika sem hann hefur yfir sér“
sé meira virði en allt annað . Sviksemi
Steingríms J . við fyrri skoðanir lýsir Jón
Kaldal á þennan hátt:
„Það hefur komið heldur óvænt í ljós
að Steingrímur getur nálgast hlutina á
pragmatískan hátt . Það er hreint ekki öllum
gefið en er ómetanlegt fyrir þá sem vilja hafa
alvöru áhrif í stjórnmálum .“
Stjórnmálafræðingar hafa ekki legið á liði
sínu við að túlka framvindu stjórnmálanna .
Hefur einhver þeirra tekið sér fyrir hendur að
skýra og skilgreina störf og stefnu Stein gríms
J . fyrir og eftir fjármálaráðherradóminn? Eða
þá vanvirðu við heiðarleika í stjórn mál um,
sem birtist í ofangreindum orðum ritstjóra
Fréttablaðsins? Að gefa þennan tón um gæði
stjórnmálastarfs er að vísu í góðu sam ræmi
við skrif ritstjórarns um viðskiptalífið, þegar
fagurgalinn var sunginn um Jón Ásgeir
Jóhannesson og föður hans .
Jóni Kaldal er greinilega ekkert heilagt,
þegar aðild Íslands að ESB er annars vegar .
Honum varð að ósk sinni um Steingrím J .
í því máli við atkvæðagreiðsluna 16 . júlí á
þingi . Í Icesave-málinu hefur Steingrími J .
hins vegar gengið verr að halda fast í for-
kastanlegan málstað sinn um, að þingi og
þjóð beri að kyngja samningum Svavars
Gestssonar möglunarlaust .
Ögmundur Jónasson, heilbrigðisráðherra,
reis gegn þeim Steingrími J . og Svavari í
þingflokki vinstri-grænna . Ögmundur gekk
í lið með stjórnarandstöðunni í gagnrýni á
samn inga Svavars . Umræður um þá hafa leitt
sífellt betur í ljós hvílík hrákasmíði samn -
ingarnir eru og hve illa hefur verið staðið um
hagsmuni þjóðarinnar við gerð þeirra .
Steingrímur J . og Jóhanna Sigurðardóttir
neyddust til að sætta sig við, að alþingi
setti fyrirvara við samningana . Þegar
þetta er ritað standa þau enn gegn því, að
málið verði tekið upp að nýju við Breta og
Hollendinga . Í því efni hefur Steingrímur
J . tekið að sér vörn fyrir félaga sinn Svavar
Gestsson, sem hann skipaði formann samn-
inganefndarinnar með hörmulegum afleið-
ingum fyrir þá báða, svo að ekki sé minnst
á þjóðarhag .
Fjölmiðlar höfðu enga forystu í málefna-
legri gagnrýni á Icesave-samningana . Vegna
ESB-afstöðu Morgunblaðsins og Frétta blaðs­
ins hafa ritstjórar beggja blaða frá fyrsta
degi lagt til, að Icesave-samningarnir yrðu
samþykktir óbreyttir . Með vaxandi gagn-
rýni og sífellt skýrari rökum fyrir því, hve
hættulegir samningarnir eru, hefur tónn inn
breyst í ritstjórnargreinum Morgunblaðs­
ins . Blaðið leggur sig þó enn í líma við að
gera gagnrýnendur samningsgerðarinnar
tor tryggilega . Hefur það til dæmis birst í
fréttum þess og ritstjórnargreinum vegna
grein ar Kjartans Gunnarssonar, fyrrverandi
vara formanns bankaráðs Landsbanka Ís-
lands, í blaðinu föstudaginn 14 . ágúst .
Steingrímur J . Sigfússon gerði grein Kjart -
ans að umtalsefni í ræðu, sem hann flutti að
Hól um í Hjaltadal 16 . ágúst . Krafðist Stein-
grímur J . þess, að Kjartan bæðist afsökunar í
stað þess að segja skoðun sína á Icesave . Þessi
krafa er í sama anda og and mæli Álfheiðar
Ingadóttur, þingmanns vinstri-grænna, af for-
setastóli að kvöldi 21 . ágúst á alþingi, þegar
Tryggvi Þór Herberts son, þingmaður Sjálf-
stæðisflokksins, notaði orðið „vítavert“ um,
hvernig Icesave-málið hefði verið tekið út úr
efnahags- og skatta nefnd alþingis .
Þegar utanríkismálanefnd ræddi Icesave-
málið, skýrðu lögfræðingar Seðlabanka Ís-
lands frá efasemdum um gæði samninga
Svavars Gestssonar . Þá voru þeir ekki lengi
að fara af stað og áttu greiðan aðgang að
fjölmiðlum Svavar og Árni Þór Sigurðsson,
formaður utanríkismálanefndar, og ráðast
á lögfræðingana . Þeir töldu þá raunar
marklausa, af því að ekki hefði verið um
formlegt álit frá seðlabankanum að ræða .
Lagði fréttastofa RÚV lykkju á leið sína