Þjóðmál - 01.09.2009, Blaðsíða 62

60 Þjóðmál HAUST 2009
eins og Stalín gerði, og gyð-
ingabarn í Varsjá, eins og
Hitler gerði? Courtois rifjaði
upp, að kommúnistar hefðu
fyrstu árin eftir valdarán sitt
í Rússlandi í nóvember 1917
tekið hundruð þúsunda gísla
og fanga af lífi án dóms og
laga . Tímabilið 1825–1917
voru 3 .932 manns tekin sam-
tals af lífi í Rússaveldi keis ar-
ans af stjórnmálaástæðum .
Þegar í mars 1918 höfðu
kommún istar tekið fleiri
af lífi, eftir aðeins fjögurra
mánaða valdatíð . Enginn
ágrein ingur er um, að ógnar-
stjórn nasista var skelfileg . Að
sögn Courtois voru fórnar-
lömb nas ista á tuttugustu
öld um 25 milljónir manna,
meðal annars sex milljónir
gyðinga, sem myrtir voru
í helförinni . Ógnar stjórn
komm únista var þó sýnu
mannskæðari . Í hungurs-
neyð af mannavöldum í
Rúss landi 1922 féllu um
fimm milljónir manna og í enn verri hung-
ursneyð af mannavöldum í Rússlandi og
Úkraínu 1932–1933 um sex milljónir
manna . Ráðstjórnin flutti heilar stéttir
og þjóðflokka nauðungarflutningum úr
heim kynnum sínum, Don-kósakka 1920,
kúlakka 1930–1932, Volgu-Þjóðverja
1941, Krím-Tartara 1943, Tsjetsjena og
Ing úsa 1944 . Mikill fjöldi manns lét lífið
beint í ofsóknum kommúnista í Ráð stjórn-
arríkjunum, ekki síst hreinsunum Stalíns
1937–1938, og annar eins fjöldi féll úr
vosbúð í þrælkunarbúðum hans . Ógnar-
stjórnin var enn verri í Kína undir stjórn
Maós, Norður-Kóreu Kim Il-Sungs og
Kambódíu í tíð Pols Pot . Courtois telur, að
samtals hafi hátt í 100 milljónir manna týnt
lífi af völdum kommúnista á 20 . öld .2
Óhætt er að segja, að í stríðslok hafi
dómur sögunnar verið kveðinn upp yfir
nasismanum og tvíburabróður hans,
fasismanum . Nasistar voru ekki aðeins
sakfelldir fyrir gerðir sínar, heldur líka
skoðanir, til dæmis aðild að nasistaflokkum .
Þeir nasistar, sem hvergi höfðu sjálfir komið
nærri misjöfnum gerðum skoðanabræðra
sinna og systra, voru samt sagðir samsekir
þeim: Þeir voru taldir vitorðsmenn
eða sekir um vítavert gáleysi . Það varð
með öðrum orðum glæpsamlegt að vera
2 Stéphane Courtois: „Glæpir kommúnismans,“ Svartbók
kommúnismans (Reykjavík 2009), 12 . bls .