Þjóðmál - 01.09.2009, Blaðsíða 60

58 Þjóðmál HAUST 2009
eftir hvarf Agöthu) og atvikin endurspegli
aðeins lauslega atvik úr ævi Agöthu .
Hún heldur því fram að bókin sé ekki saga
um fyrra hjónaband Agöthu Christie, en ef
til vill hafi hún aldrei komist nær því að
skrifa þá sögu í leynilögreglusögum sínum
en einmitt í þessari bók – lesandinn finni
fyrir nálægð við höfundinn . „Five Little Pigs
er meistaralega skrifuð bók: hvatirnar sem
fram koma eru flóknar og samtvinnaðar og
lausn málsins svíkur svo sannarlega engan,“
segir Laura Thompson .
Þess má geta að Agatha og Archibald
áttu einnig unga dóttur – eins og Amyas
og Caroline – þegar þau skildu . Rosalind,
dóttir Agöthu og Archibalds fæddist árið
1919 og lést árið 2004 . Hver og einn lesandi
bókarinnar verður hins vegar að gera það upp
við sig, hvort og þá að hve miklu leyti sagan
endurspeglar tilfinningar Agöthu Christie á
þessu erfiða tímabili í ævi hennar .
Þess má til gamans geta að talið er
að Agatha Christie hafi byggt sögusvið
bókarinnar, Alderbury, á Greenway House
í Devon á suðurströnd Englands, en húsið
keypti hún ásamt síðari eiginmanni sínum,
Sir Max Mallowan . Greenway House var
opnað almenningi eftir miklar endurbætur
nú fyrr á þessu ári .
Heimildir:
Agatha Christie A to Z: The Essential Reference to
Her Life and Writings. Dawn B . Sova . Facts
on File, 1996 .
Agatha Christie: An English Mystery . Laura
Thompson . Headline Review, 2007 .
The Life and Crimes of Agatha Christie. Charles
Osborne . HarperCollinsPub lishers, 1999 .
www.nationaltrust.org.uk
Greinarhöfundur hefur á undanförnum árum
þýtt 14 af bókum Agöthu Christie á íslensku .
Í haust er væntanleg þýðing hans á einni
þekktustu bók Agöthu, Minning um morð, sem
ekki hefur komið áður út á íslensku .