Gerðir kirkjuþings - 01.01.2013, Side 21

21
Ályktanir og samþykktir 49. kirkjuþings 2012 og viðbrögð kirkjuráðs við þeim
1. mál. Skýrsla kirkjuráðs – Ályktun kirkjuþings
„Kirkjuþing 2012 lýsir ánægju sinni með vinnu úrbótanefndar kirkjuþings varðandi
viðbrögð og starfshætti þjóðkirkjunnar vegna ásakana um kynferðisbrot, einelti og annað
ofbeldi innan hennar og felur kirkjuráði að vinna eftir ábendingum nefndarinnar.“
Biskup mun flytja endurskoðaða fræðslustefnu á þessu þingi þar sem sem m.a. er fjallað um
forvarnir og fræðslu um viðbrögð við einelti og ofbeldi.
„Kirkjuþing 2012 telur skýrslu starfshóps um tónlistarmál áhugaverða, en óskar eftir
ítarlegri greinargerð um faglega þætti málsins. Kirkjuþing leggur áherslu á að ekki megi
slá af kröfum í menntun organista og tónlistarfólks kirkjunnar. Þá er bent á nauðsyn þess
að aðilum máls séu kynntar tillögurnar áður en lengra er haldið.“
Biskup og kirkjuráð hafa haft til athugunar tónlistarmál kirkjunnar sbr. skýrslu starfshóps
um tónlistarmál sem kynnt var snemma á síðasta ári. (Sjá umfjöllum um Tónskóla
þjóðkirkjunnar síðar í skýrslunni).
„Kirkjuþing 2012 hefur fjallað um málefni Skálholts og hvetur til þess að treystur verði
rekstrargrundvöllur staðarins og nýjar leiðir skoðaðar, bæði í rekstri og yfirstjórn.“
Sjá umfjöllum um Skálholt síðar í skýrslunni.
2. mál. Skýrsla um fjármál þjóðkirkjunnar – Ályktun kirkjuþings
„Kirkjuþing 2012 afgreiðir ársreikninga þjóðkirkjunnar fyrir árið 2011 um einstaka
sjóði, stofnanir og viðfangsefni þjóðkirkjunnar athugasemdalaust. Farið hefur verið yfir
fyrirliggjandi endurskoðunarskýrslu til kirkjuþings frá Ríkisendurskoðun. Kirkjuþing
staðfestir að reikningshald kirkjulegra embætta, stofnana og sjóða fyrir árið 2011 hafi
hlotið fullnægjandi endurskoðun.
Undanfarin fjögur ár hefur þjóðkirkjan tekið á sig umtalsverða tekjuskerðingu þar sem
greiðslur ríkisins til kirkjunnar hafa minnkað ár frá ári. Annars vegar er þar um að ræða
lögbundin sóknargjöld, félagsgjöld, sem ríkið innheimtir og hins vegar samningsbundnar
greiðslur ríkisins vegna kirkjueigna sem ríkinu voru afhentar með sérstöku samkomulagi
frá 1997. Kirkjujarðasamkomulagið fjallar um afhendingu kirkjujarða til ríkisins á móti
skuldbindingu um að greiða laun presta og starfsmanna þjóðkirkjunnar. Þjóðkirkjan
hefur ekki vikist undan ábyrgð og fallist á skerðingu á kirkjujarða samkomulaginu
undanfarin ár. Nú liggur fyrir tillaga ríkisvaldsins að enn verði skert um 1,2% til
viðbótar. Sóknargjöldin eru lögbundin félagsgjöld sem ganga til reksturs safnaðanna.
Óumdeilt er að sóknir þjóðkirkjunnar hafa orðið fyrir mun meiri skerðingu en stofnanir
innanríkisráðuneytisins. Frá fjárlögum ársins 2008 til 2011 hafa sóknargjöld lækkað
sem nemur 25% umfram fjárveitingar til stofnana innanríkisráðuneytisins, samanber
skýrslu nefndar innanríkisráðherra til að meta áhrif niðurskurðar fjárveitinga á starfsemi
þjóðkirkjunnar. Ríkið hefur nú viðurkennt þetta misræmi og hyggst bæta skerðingu
sóknargjalda undanfarinna ára að hluta með tímabundnu viðbótarframlagi. Engu að
síður vantar mikið uppá að sóknargjöldin séu í samræmi við lög nr. 91/1987 og veldur