Gerðir kirkjuþings - 01.01.2013, Page 26
26 27
ekki með nokkrum hætti, nema eftir víðtæka kynningu og umræðu og blessun kirkjuþings.
Kirkjuþing telur brýnt að rekstur Skálholtsstaðar komist í viðunandi horf og skoðað verði
ýtarlega hvort bygging miðaldadómkirkju/safnahúss geti orðið liður í þeirri viðleitni, án
þess að Skálholt sem helgistaður bíði hnekki. Kirkjuþing leggur áherslu á að staðsetning
og fyrirkomulag, verði af áformum, verði með þeim hætti að ásýnd staðarins og andblær
haldist og að rekstrarlegur ávinningur staðarins sé tryggður“.
Sjá umfjöllun um Miðaldadómirkju síðar í skýrslu þessari.
41. mál. Þingsályktun um sameiningu prestakalla.
Lögð var fram eftirfarandi tillaga: „Kirkjuþing 2012 ályktar að við sameiningu prestakalla
skuli þau lögð niður, nýtt prestakall stofnað og auglýst laust til umsóknar.
Breytt framkvæmd gildi um tillögur um sameiningu prestakalla sem kunna að verða
lagðar til frá ársbyrjun 2014.“
Kirkjuráði var falið að búa málið til kynningar og umfjöllunar á prestastefnu og í héruðum
landsins og hefur það verið framkvæmt.
Flutt er sérstakt mál um þetta á kirkjuþingi 2013 og vísast til þess.
45. mál. Starfsreglur um breytingu á starfsreglum um rekstrarkostnað vegna prestsembætta
og vegna prófastsstarfa.
Um var að ræða leiðréttingu ferðakostnaðar héraðspresta í sameinuðum prófastsdæmum
og hefur breytingunni verið hrint í framkvæmd.
Starfsreglurnar hafa verið birtar í Stjórnartíðindum.
46. mál. Starfsreglum um breytingu á starfsreglum um skipulag kirkjunnar í héraði nr.
1026/2007.
Kirkjuþing 2012 samþykkti að sameining Möðruvalla og Hríseyjarprestakalla, sem áður
hafði verið samþykkt á kirkjuþingi 2009 og sem öðlaðist gildi 1. september 2012, skyldi
ganga til baka. Sameining framangreindra prestakalla öðlast gildi við starfslok núverandi
sóknarprests Hríseyjarprestakalls.
Starfsreglurnar hafa verið birtar í Stjórnartíðindum.
Lagðar voru fram í kirkjuráði skýrslur nefnda og starfshópa í 3. máli kirkjuþings 2012 og
er vísað til Gerða kirkjuþings 2012 um þær.
Mál lögð fram á kirkjuþingi 2013
1. mál. 2013. Skýrsla kirkjuráðs ásamt skýrslum og öðrum fylgigögnum.
Að venju leggur kirkjuráð fram skýrslu um störf sín á kirkjuþingsárinu.
2. mál. 2013. Skýrsla um fjármál þjóðkirkjunnar.
Fjármál þjóðkirkjunnar eru lögð fram á kirkjuþingi. Reikningar stofnana og sjóða vegna
ársins 2012 eru aðgengilegir öllum kirkjuþingsfulltrúum. Ríkisendurskoðun skilar endur
skoðunarskýrslu vegna sjóða og stofnana kirkjunnar fyrir árið 2012.
11. mál 2013. Tillaga til þingsályktunar um frumvarp til breytinga á lögum um stöðu,