Gerðir kirkjuþings - 01.01.2013, Side 34

34 35
Það var talað um að reyna samstarf milli lútersku kirkjunnar og kaþólsku kirkjunnar
fyrir hrun, en það var ekki gert egna peningaörðuleika. Við ættum að athuga hvort þessi
staða hafi breyst eitthvað í dag. Getum við unnið að meira samstarfi á milli lútersku og
kaþólsku kirkjunnar, hvernig væri að bjóða þeim á viðburði s.s. landsmót, febrúarmót og
alla viðburði innan ÆSKÞ! Fræðsla fyrir leiðtoga gegn fordómum!
Framangreindar samþykkt er til umfjöllunar hjá kirkjustarfshópi kirkjuráðs.
6. mál. Ályktun um umhverfisstefnu þjóðkirkjunnar
Kirkjuþing unga fólksins vill það að unnið verði í því að framfylgja umhverfisstefnu
þjóðkirkjunnar sem samþykkt var á Kirkjuþingi 2009.
­ Kirkjuþing unga fólksins ályktar að ekki sé nóg að setja fram umhverfisstefnu
þjóðkirkjunnar og bjóða kirkjum upp á það að fara eftir henni eða ekki, það þurfi að
skilda kirkjur landsins til að fara eftir stefnunni, svo að eitthvað verði að gert.
­ Árið 2009 var samþykkt umhverfisstefna Þjóðkirkjunnar á kirkjuþingi og áætlað var
umhverfisstarf í söfnuðum og stofnunum kirkjunnar. Í þeim málum sem þjóðkirkjan
sagðist ætla að leggja sitt af mörkum viljum við sjá að þeim verði í raun framfylgt og
skilyrði uppfyllt.
­ Að staðið verði fyrir námskeiðum fyrir starfsfólk kirkjunnar um umhverfismál, svo að
starfsfólkið geti staðið fyrir samskonar námskeiði í sínum söfnuði.
­ Til þess að framfylgja þessari stefnu kemur fram að Biskupsstofa muni leita samstarfs við
presta og söfnuði, stofnanir og félagasamtök um ákveðin verkefni og viljum við sjá að
unnið sé að þeim, svo að umhverfisstefna þjóðkirkjunnar nái árangri. Þessi verkefni eru
meðal annars ­útgáfa glöggra og einfaldra leiðbeininga um orkunotkun, sorp flokkun,
endurvinnslu o.þ.h á vettvangi sókna og stofnana kirkjunnar.
­ útgáfa „Ljósaskrefsins“­ handbók kirkjunnar fyrir umhverfisstaf
­ umhverfisfræðsla í söfnuðum og kirkjumiðstöðvum
­ þátttaka í almennu umhverfisstarfi í samfélaginu­ umhverfisdagatal ­ að nýta Fair trade
vörur þar sem þess er kostur
­ Kirkjuþing unga fólksins 2012 krefst þess að Biskupsstofa og yfirstjórn kirkjunnar
taki upp þráðinn í þessum málum, sýni viljann í verki, og hefjist handa, tafarlaust.
Framangreind samþykkt er til umfjöllunar hjá kirkjustarfshópi kirkjuráðs.
Kirkjuþing unga fólksins 2013
Kirkjuþing unga fólksins kom saman á Biskupsstofu 25. maí 2013, en samkvæmt
starfsreglum um þingið ber að kalla það saman að vori. Tuttugu ungmenni sem eru
virk í kirkjustarfi um allt land tóku þátt í þinginu. Þóra Björg Sigurðardóttir, sem er
æskulýðsfulltrúi Grafarvogskirkju, var kjörin forseti kirkjuþings unga fólksins. Samþykktar
voru fimm ályktanir:
„1. mál. Ályktun um breytingu á starfsreglum um kirkjuþing unga fólksins nr. 952/2009.
2. mgr. 1.gr. hljóði svo:
Þingið skal haldið á laugardegi á hverju vori.
Þingmál skulu hafa borist þingfulltrúum a.m.k. 5 virkum dögum fyrir þingdag.