Gerðir kirkjuþings - 01.01.2013, Síða 36

36 37
„4. mál. Ályktun um stöðu þjóðkirkjunnar í kjölfar þjóðaratkvæðagreiðslu um tillögur
Stjórnlagaráðs.
Kirkjuþing unga fólksins álítur niðurstöður þjóðaratkvæðagreiðslunnar um tillögur
stjórnlagaráðs vera leið til að gefa nýjum biskupi tækifæri til að rétta stöðu kirkjunnar. Við
viljum hvetja kirkjuna til að taka þessum niðurstöðum sem ákalli þjóðarinnar um öfluga
og trausta þjóðkirkju.
Kirkjuþing unga fólksins vill árétta að niðurskurður í fjármálum kirkjunnar má ekki lenda
á æskulýðsstarfinu. Æskulýðsstarfið er oft á tíðum athvarf fyrir börn og unglinga sem finna
sig ekki í annarri starfsemi fyrir ungt fólk. Frekari niðurskurður innan æskulýðsstarfs
kirkjunnar má ekki eiga sér stað þar sem það tekur allan gæðastimpil af starfseminni. Í
hverju prófastsdæmi þyrfti að vera a.m.k. einn fastráðinn starfsmaður sem heldur utan
um barna­ og æskulýðsstarf.
Kirkjuþing unga fólksins leggur til að skýrð verði betur staða æskulýðsnefndar
þjóðkirkjunnar og að henni verði falið sérstaklega að hjálpa æskulýðsfélögum að auka
starfsemi sína og bæta hana. Þetta á þá sérstaklega við um þá staði þar sem ekkert
æskulýðsfélag er til staðar. Nefndin mundi þá sjá um það að ferðast um landið og heimsækja
æskulýðsfélög. Þannig gæti hún gefið álit sitt á því hvað má betur fara og hvernig megi
framkvæma það. Að sama skapi væri kjörið að styðja frekar við félög líkt og ÆSKÞ og
undirfélög þar sem þau standa að baki sterkari starfsemi við ungt fólk.
Sýna þarf þeim kirkjum þar sem lítið sem ekkert barna­ og æskulýðsstarf er sérstaklega
athygli. Starfsfólk þjóðkirkjunnar ætti að reyna eftir fremsta megni að aðstoða þær kirkjur
af stað og hjálpa þeim að finna réttu leiðirnar til að halda góðu og gefandi starfi áfram.
Kirkjuþing unga fólksins vill hvetja kirkjuna til að nýta sér þau tækifæri sem eru fyrir hendi
í dag. Það má nýta samfélagsmiðla betur, nýta aðgang að styrkjum í meira mæli, sem hægt
er nota í erlent samstarf og kynningastarf í skólum til að ná betur til ungs fólks. Við viljum
leggja til að heimasíða kirkjunar verði sett þannig upp að auðveldara verði fyrir ungt fólk
að sjá yfirlit yfir þá viðburði sem eru væntanlegir í nágrenni við það. Aukið kynningarstarf
kirkjunnar innan menntaskóla gæti sem dæmi átt sér stað í lífsleiknitímum, í þemavikum
og opnum dögum. Þar gæti kirkjan kynnt þá starfsemi sem þegar er til staðar og jafnframt
fengið fleiri hugmyndir um starfsemi sem ungt fólk myndi vilja sjá framkvæmt. Styðja
þarf við alþjóðlegt samstarf því með þátttöku í því er hægt að stuðla að sterkum tengslum
sem vara getað lengi jafnframt sem það er sérstaklega þroskandi fyrir ungt fólk að fá stærri
heimssýn.
Kirkjuþing unga fólksins leggur jafnframt ríka áherslu á það að bæta þurfi vissulega
safnaðarstarf fyrir alla aldurshópa og alla þjóðfélagshópa. Við álítum okkur ekki vera
þann hóp sem er hvað best til fallinn til að koma með lausnir á þeim málum en hvetjum
samt sem áður til aukinna umbóta í þeirri starfsemi.
Kirkjuþing unga fólksins leggur mikla áherslu á það að aftur verði komið á fót eðlilegu
samstarfi á milli kirkju og skóla. Í ljósi þjóðaratkvæðagreiðslunnar má sjá að það er vilji