Gerðir kirkjuþings - 01.01.2013, Síða 48

48 49
presta og djákna. Nefndin telur að með því sé lagður grunnur að fagmennsku og gæðum
í starfi kirkjunnar til framtíðar.
Fimm alda minning siðbótarinnar.
Allsherjarnefnd hefur fjallað um skýrslu nefndar um fimm alda minningu siðbótarinnar
árið 2017. Nefndin þakkar greinargóða skýrslu og telur gagnlegt að horft sé til framtíðar í
sönnum anda siðbótarinnar.
Kirkjuþing unga fólksins 2013.
Nefndin er sammála ályktun kirkjuþings unga fólksins um að mikilvægt sé að aftur verði
komið á eðlilegu sambandi kirkju og skóla. Mótuð verði framkvæmdaáætlun um það
hvernig því verði komið á.
Mikilvægt er að halda uppi öflugu æskulýðs­ og safnaðastarfi. Nefndin tekur undir
sjónarmið kirkjuþings unga fólksins um að mörkuð verði stefna gegn einelti bæði gagnvart
börnum og fullorðnum.
Málefni Skálholts.
Allsherjarnefnd hefur fjallað um málefni Skálholts. Nefndin hvetur til þess að fundnar
verði nýjar leiðir varðandi rekstur staðarins. Nefndin mælist til þess að skipuð verði
sérstök stjórn yfir Skálholti sem starfar í umboði kirkjuráðs og horft sé til þess að ábyrgð
og ákvarðanataka færist í auknum mæli heim í hérað.
Tónlistarmál þjóðkirkjunnar
Nefndin hefur fjallað um tónlistarmál þjóðkirkjunnar. Efla þarf kirkjutónlist á Íslandi og
leggja þarf rækt við þann tónlistararf sem kirkjan býr að.
Auglýsingar á prestsembættum
Nefndin bendir á mikilvægi þess að prestsembætti sem losna, ekki síst í fjölmennum
prestaköllum, séu auglýst.
Varðandi viðbótarbókun við skýrslu kirkjuráðs
Framundan eru viðræður við ríkið um kirkjujarðasamkomulagið. Allsherjarnefnd telur
mikilvægt að í samninganefnd kirkjunnar veljist einstaklingar með reynslu af samningagerð
og víðtæka þekkingu á kirkjujarðasamkomulaginu.
Nefndin leggur til að kirkjuþing afgreiði málið með ályktun á þskj. 69.