Gerðir kirkjuþings - 01.01.2013, Side 67

67
miða skal við samstarfssvæði þau sem kirkjuþing 2010 samþykkti að setja á stofn.
að embætti sóknarpresta og presta skuli vera samtals um 105 þ.e. um 2.200 sóknarbörn
á hvert embætti að meðaltali eða um 3.000 íbúar.
að ekki séu færri sóknarbörn en 750 eða 1.250 að baki hverju embætti í dreifbýli.
að ekki séu færri sóknarbörn en 2.500 eða 3.500 að baki hverju embætti í þéttbýli.
að ekki séu fleiri en 5.000 sóknarbörn að baki hverju embætti.
að heimilt sé að víkja frá ofangreindum viðmiðum eins og við kirkjur sem hafa
sérstöðu, samkvæmt ákvörðun biskups Íslands.
Greinargerð
Almennt
Á Kirkjuþingi 2012 var samþykkt „að kjósa þriggja manna nefnd sem geri tillögur um
skipan prestsþjónustunnar fyrir kirkjuþing haustið 2013. Starf hópsins byggist meðal
annars á samþykkt kirkjuþings 2010 um þjónustu kirkjunnar“.
Í nefndina voru kosin kirkjuþingsfulltrúarnir séra Elínborg Gísladóttir og Katrín Ásgríms­
dóttir og séra Þorvaldur Karl Helgason, fv. biskupsritari. Nefndin hefur hist á Biskupsstofu
og voru fundirnir oftast í tengslum við kirkjuráðsfundi og var það gert til að spara fé
og tíma þar sem einn nefndarmanna situr jafnframt í kirkjuráði. Nefndin hafði engan
fastan starfsmann en Þorvaldur Karl hefur annast ritarastörf og miðlað efni einkum frá
fyrri störfum hans í nefndinni um þjónustu kirkjunnar (7. mál 2010). Katrín sat líka í
þeirri nefnd og má líta svo á að kirkjuþing 2012 teldi mikilvægt að halda áfram með þær
meginhugmyndir sem þar komu fram. Þar var grunnþjónusta kirkjunnar skilgreind þar
sem meginskylda allra sókna er að sinna reglubundnu helgihaldi, fræðslu og boðun og
kærleiksþjónustu. Þá eru nefnd verkefni eins og kirkjutónlist, varðveislu muna og minja
og því sem einkennir sóknina eða kirkjuna sérstaklega eins og þekkst sögustaðar, sem
hvílir á sókninni að gæta að og bregðast við. Slíkt hvílir mjög oft á prestum sem sitja
slíka kirkjustaði að sinna þessu hlutverki, eins og að taka á móti ferðafólki og segja sögu
kirkjunnar og staðarins.
Þá voru í tillögum nefndarinnar frá 2010 ítrekuð fyrri samþykktir kirkjuþings um tilurð
samstarfssvæða, en einnig um messuskyldur og um fjölda embætta á þjónustusvæðunum.
Síðast nefnda atriðið um skipan embættanna á svæðunum kom ekki til endanlegrar
afgreiðslu kirkjuþingsins. Þó voru þar kynntar tillögur um hvernig sú nefnd teldi að
skipanin ætti að líta út til að unnt væri að uppfylla grunnskyldur sóknanna á svæðinu.
Segja má að nefndarvinna sú sem hér er til umfjöllunar fjalli einkum um þennan síðasta
þátt þ.e. um skipulag prestsþjónustunnar.
Nefndin sat biskupafund þar sem ræddar voru þær hugmyndir sem helst væru til
umræðu í nefndinni um skipan prestsþjónustunnar, enda málið sístætt umfjöllunarefni
á biskupafundi. Biskupafundur hefur m.a. það hlutverk að fjalla um skipan sókna,
prestakalla og prófastsdæma og meta stöðu þessara starfseininga kirkjunnar og leggja fyrir
kirkjuþing hugsanlegar breytingar á skipan þeirra. Nefndin og biskupafundur ræddu stöðu