Gerðir kirkjuþings - 01.01.2013, Qupperneq 78

78 79
Á kirkjuþingi 2000 var samþykkt Stefnumörkun um framtíðarskipan sókna, prestakalla
og prófastsdæma. Þar segir að miða skuli við að sókn hafi a.m.k. 500.000,­ kr. í tekjur af
sóknargjöldum á ári, til að geta haldið uppi lágmarksþjónustu og viðunandi stjórnsýslu.
Af því leiðir að ekki skulu vera færri en 100 gjaldendur sóknargjalda í sókn að jafnaði.
Þá segir einnig að heppilegasta og eðlilegasta tala sóknarbarna í sókn er 150 ­ 1500
sóknarbörn í hverri sókn í dreifbýli en allt að 10.000 í þéttbýli. Síðar er vikið að viðmiði
vegna prestsembættanna. Þar segir:
„Eðlilegt er að grunnviðmiðunin sé sú að þjónustubyrðin á hvern prest sé sem áþekkust
enda er um að ræða þjónustu við allt þjóðkirkjufólk landsins. Þetta er grunnforsenda
fyrir skipulagi kirkjunnar á þjónustu sinni. Frávik má því aðeins gera ef önnur sjónarmið
þykja vega þyngra á metunum.
Samkvæmt þessu er meginreglan sú að meðaltalsmannfjöldi sá, sem hver prestur
á að þjóna, er um 2000 til 3000 sóknarbörn. Leitast verður við að ráðstafa til þeirra
prestakalla þar sem þjónustubyrðin fer fram úr þessari viðmiðun prestsembættum eftir
því, sem föng verða á.“
Þegar rætt er um sóknarbörn hér í textanum frá 2000 er sennilega átt við alla íbúa í sókninni
eða prestakallinu en ekki bara þjóðkirkjufólk. Kirkjuþingsnefndin telur eðlilegast að miða
við þjóðkirkjufólkið einkum þegar kemur að því að meta þörfina fyrir stöðugildi vegna
messuhalds enda er ekki verið að halda úti messum fyrir þá sem eru ekki í þjóðkirkjunni,
tilheyra öðrum trúarbrögðum eða eru utan trúfélaga og kæra sig ekkert um þessa þjónustu
þjóðkirkjunnar.
Árið 2000 var hlutfall þjóðkirkjufólks 88,67% af íbúum landsins er nú árið 2013 komið
niður í 76,20. Alls eru rúmlega 76 þúsund manns sem ekki tilheyra þjóðkirkjunni í dag.
Ef tekið er mið af stefnumótun kirkjuþings árið 2000 og hér var getið að framan, um þann
mannfjölda sem hver prestur ætti að þjóna, eða 2000­3000 sóknarbörn, ættu stöðugildi
presta að vera í dag þannig:
• Ef hver prestur þjónar 2000 íbúum (321.585) ættu stöðugildin að vera 161
• Ef hver prestur þjónar 3000 íbúum (321.585) ættu stöðugildin að vera 107
og
• Ef hver prestur þjónar 2000 sóknarbörnum (245.120), ættu stöðugildin að vera 123
• Ef hver prestur þjónar 3000 sóknarbörnum (245.120), ættu stöðugildin að vera 82
Eins og áður segir voru, 1.okt. 2013, sóknarprestsembættin 92, prestar í 20,5 stöðugildum
og sjö héraðsprestar, eða alls 119, 5 stöðugildi. Að auki eru sérþjónustuprestar í 6,5
stöðugildum. Alls gera þetta 126 stöðugildi sem voru þá greidd í gegnum Fjársýslu ríkisins.
Sérþjónustuprestar eru nú í 6,5 stöðugildum. Þeir eru í megndráttum ráðnir „til að
sinna grunnþjónustu kirkjunnar þar sem henni verður ekki sinnt með fullnægjandi
hætti á vettvangi sókna“ (Sbr. Samþykkt um innri málefni kirkjunnar 2009 og Þjónustu
kirkjunnar 2010). Þeir þjóna í samstarfi við presta í sóknum landsins. Oftast er krafist