Gerðir kirkjuþings - 01.01.2013, Side 102

102 103
12. mál kirkjuþings 2013
Flutt af kirkjuráði
Þingsályktun um frumvarp til breytinga á þjóðkirkjulögum
Kirkjuþing 2013 beinir þeim tilmælum til innanríkisráðherra að hann flytji eftirfarandi
frumvarp til laga um breyting á lögum um stöðu, stjórn og starfshætti þjóðkirkjunnar nr.
78/1997, sbr. 2. mgr. 23. gr. laganna.
Frumvarp
til laga um breyting á lögum um stöðu, stjórn og starfshætti þjóðkirkjunnar nr. 78/1997
1. gr.
12. gr. og 13. gr. laganna falla brott.
3. gr.
19. gr. laganna orðast svo:
Biskup Íslands skal kalla vígslubiskupa til fundar svo oft sem þurfa þykir og nánar skal
kveðið á um í starfsreglum, sbr. 59. gr.
4. gr.
1. mgr. 20. gr. laganna orðist svo:
Kirkjuþing hefur æðsta vald í málefnum þjóðkirkjunnar nema lög mæli á annan veg. Við
20. gr. laganna ákvæðið bætist ný málsgr., 4. mgr., svohljóðandi:
Kirkjuþing hefur á hendi fjárstjórnarvald þjóðkirkjunnar. Nánari ákvæði um tilhögun
fjárstjórnarvalds kirkjuþings skal þingið setja í starfsreglur.
5. gr.
2. mgr. og 3. mgr. 27. gr. laganna fellur brott.
6. gr.
38. gr. laganna orðast svo:
Almenn skilyrði til að takast á hendur prestsþjónustu eru þessi:
1. Mag. theol. próf frá Háskóla Íslands eða háskólapróf í guðfræði sem metið verður því
jafngilt.
2. Að umsækjandi hafi hlotið starfsþjálfun og annan undirbúning samkvæmt nánari
ákvæðum í starfsreglum frá kirkjuþingi.
3. Að umsækjandi sé við upphaf starfa síns skráður í þjóðkirkjuna nema samkirkjulegar
samþykktir heimili annað.
4. Að umsækjandi sé lögráða og hafi til að bera nauðsynlegt heilbrigði, andlegt og líkamlegt,
til að gegna starfanum.