Gerðir kirkjuþings - 01.01.2013, Side 104

104 105
13. mál kirkjuþings 2013
Flutt af Ásbirni Jónssyni, Agli Heiðari Gíslasyni, Ingu Rún Ólafsdóttur og Skúla Sigurði
Ólafssyni
Samþykkt þannig að lokinni umfjöllun í löggjafarnefnd með breytingum á þskj. 80.
Þingsályktun um frumvarp til þjóðkirkjulaga
Kirkjuþing 2013 samþykkir að fela kirkjuráði að kynna drög kirkjulaganefndar frá 1.
október 2013 að frumvarpi til nýrra þjóðkirkjulaga, með breytingum á þingskjali 80.
Frumvarpið verði lagt fyrir 51. kirkjuþing 2014 til afgreiðslu.
Kirkjuþing 2013 beinir þeim tilmælum til Innanríkisráðherra að flutt verði eftirfarandi
frumvarp til þjóðkirkjulaga, sbr. 3. mgr. 23. gr. laga um stöðu, stjórn og starfshætti
þjóðkirkjunnar nr 78/1997.
Frumvarp til þjóðkirkjulaga
(Drög kirkjulaganefndar 1. okt. 2013)
I. kafli
Skilgreining
1. gr.
■Hin evangelíska lúterska kirkja er þjóðkirkja á Íslandi.
II. kafli
Réttarstaða þjóðkirkjunnar
2. gr.
■Þjóðkirkjan er sjálfstætt trúfélag.
3. gr.
■Skírn í nafni heilagrar þrenningar veitir aðild að þjóðkirkjunni.
■Um aðild að, inngöngu í og úrsögn úr þjóðkirkjunni fer að öðru leyti samkvæmt 8. og 9.
gr. laga um skráð trúfélög og þeim starfsreglum sem kirkjuþing setur.
4. gr.
■Þjóðkirkjan er sjálfstæður lögaðili og ber réttindi og skyldur að lögum. Hún ræður starfi
sínu nema lög mæli á annan veg.
■Þjóðkirkjan skal í starfsháttum sínum halda í heiðri grundvallarreglur lýðræðis og
jafnréttis.
■Þjóðkirkjunni ber að halda úti kirkjulegri þjónustu á landinu öllu og tryggja að allir
landsmenn geti átt kost á henni.
■Um stöðu þjóðkirkjunnar sem trúfélags fer að öðru leyti samkvæmt lögum um skráð
trúfélög eftir því sem við getur átt.