Gerðir kirkjuþings - 01.01.2013, Síða 115

115
bent á samstarfssvæði sem vænlega einingu í samræmi við aðrar samþykktir sem gerðar
hafa verið í þá átt á undanförnum árum. Loks er hér lagt til að gert sé ráð fyrir einum
ákveðnum áhersluþætti sem unnið verði sérstaklega að næstu fjögur ár.
Fræðslustarfinu er skipt í tvo meginflokka:
Æskulýðsfræðsla
1) Barnastarf
2) Fermingarstarf
3) Starf með unglingum og ungu fólki
Fullorðinsfræðsla
1) Foreldrafræðsla
2) Almenn fræðsla
3) Eldri borgara starf
Greinargerð
Gerð er tillaga að breytingu á flokkun. Æskulýðsnefnd þjóðkirkjunnar hefur fyrir sitt leyti
samþykkt og ákveðið að ganga út frá þeirri flokkun að skilgreina æskulýðsstarf sem starf
með börnum og unglingum. Í samræmi við það er æskulýðsfræðsla sá meginflokkur er
hýsir starf með börnum unglingum og ungu fólki. Seinni meginflokkurinn felur í sér það
sem í boði er fyrir fullorðið fólk, hvort sem það er foreldrar eða ekki eða komið á efri ár.
A1 Barnastarf – börn, 12 ára og yngri
Markmið:
Í barnastarfi Þjóðkirkjunnar læri barnið að þekkja Guð og upplifa samfélag við hann í
samræmi við þroska þess og aldur[3].
Verkefni:
6 ára börn og yngri: Sunnudagaskóli, þ.e. barnastarf sem hluti almennrar guðsþjónustu
safnaðarins eða sér fræðsla. Áhersla skal lögð á upplifun og að kenna bænir og vers.
6­9 ára börn: „Hópastarf “ – þ.e. barnastarf sem hluti almennrar guðsþjónustu safnaðarins
eða sér fræðsla. Áhersla skal lögð á fela börnunum hlutverk í starfinu.
10­12 ára starf (TTT): Hópa­ eða klúbbastarf. Áhersla á aukið hlutverk barnanna og á að
starfið sé aðdragandi fermingarinnar.
Barnakórar: Efla barnakóra sem mikilvæga leið í barnastarfi Þjóðkirkjunnar. Áhersla á að
tengja kórastarf og hefðbundið barnastarf. .