Gerðir kirkjuþings - 01.01.2013, Page 117

117
Verkefni:
Stuðla að samfélagi fyrir unglinga í kirkjunni s.s. með æskulýðsfélagi
Vera vettvangur fyrir tilvistarspurningar
Miðla kristnum lífsgildum
Stuðla að trúariðkun og helgihaldi á forsendum unglinga
Búa ungt fólk undir virka þátttöku í safnaðarstarfi
Efla unglingakóra sem leið í unglingastarfi Þjóðkirkjunnar.
Efla ber svo sem kostur er farskóla leiðtogaefna.
Tilboði kirkjunnar um námskeið í lífsleikni í framhaldsskólum verði viðhaldið og
endurbætt.
Greinargerð.
Farskóli leiðtogaefna er eitt dýrmætasta verkfæri sem fundist hefur lengi til að styrkja
og efla ungt fólk til að takast á hendur ábyrgðarhlutverk í æskulýðs og unglingastarfi.
Mikilvægt er að tryggja þessu starfi nauðsynlegan rekstrargrundvöll. Sömuleiðis hefur
tilboð kirkjunnar um aðkomu að lífsleikninámskeiði framhaldsskólanna verið mikilvægt
tækifæri til að ná sambandi við þennan hóp ungs fólks sem gjarnan er móttækilegur fyrr
neikvæðum áróðri í garð kirkju og trúar.
B1. Foreldrafræðsla
Markmið:
Þjóðkirkjan styðji foreldra í uppeldishlutverki sínu hvarvetna þar sem kirkjan og foreldrar
mætast.
Verkefni:
Skírn undirbúin með viðtölum við foreldra og því fylgt eftir í kirkjulegu starfi
Stuðningur við uppeldi á heimilum, með fræðsluefni af ýmsum toga. Dæmi: DVD diskar,
litlir bæklingar, netefni.
Samverur í kirkjum eða safnaðarheimilum. Svo sem eins og foreldramorgnar, krílasálmar.
Námskeið þar sem veitt er fræðsla um ýmsar aðstæður er tengjast uppeldi. Og aðstæður
fólks með börn á framfæri.
Í tengslum við barna­ og æskulýðsstarf skal bjóða foreldrum fræðslu um uppeldi og trú og
mikilvæg lífsgildi, t.d. með átaksverkefninu „verndum bernskuna!“[2]
Virkja foreldra í barna­ og æskulýðsstarfi
B2 Almenn fræðsla
Markmið:
Fræðsla fullorðinna hjálpi fólki að iðka kristna trú á gefandi hátt, vaxa í tilbeiðslu og takast
á við verkefni lífsins. Ennfremur að hvetja fólk til að taka að sér verkefni og axla ábyrgð á
vettvangi Þjóðkirkjunnar.